Perintah negeri komited ngemansangka SCORE
Kuasa Tau Dikena Baru Sarawak (SCORE) ti dilancharka kena 11 Februari, 2008 di Bintulu nyadi batang pemansang ngagai ekonomi nengeri tu.
SCORE asil penemu Tun Pehin Sri Abdul Taib Mahmud ke maya nya nyadi Kepala Menteri Sarawak setipak enggau inisiatif Perintah Besai numbuhka lima koridor ekonomi di Malaysia.
Dilangkar enggau manah, SCORE siti perambu ke chukup manah ke pemaik kerembai potensial kuasa ba kandang tengah nengeri Sarawak, ke lalu ngenyampatka pemansang ba kandang menua nya.
Nengah Pelin Pemansang SCORE, Sarawak dipelaba ngemansutka RM334 bilion ari sukut beranakka puku enggau RM267 bilion tauka 80 peratus dijangka ari sektor peribit lalu laluh RM67 bilion ari sektor perintah.
Enti Pelin Pemansang SCORE dikemujurka magang nyerumba 2030, nya dijangka nempa 1.6 juta pengawa puang kelebih agi ngagai raban biak Sarawak sereta lalu ngubah Sarawak nyadi nengeri maju bepenatai pemisi besai.
Kepala Menteri Datuk Patinggi Abang Johari Tun Openg madah, perintah Sarawakdeka majak nyukung pemansang SCORE laban nya nyata ngasi ba pengawa nempa Sarawak nyadi nengeri industri.
Naka ke diatu ku iya ke mega Chairman Kaunsil Pemansang Koridor Wilayah (RECODA), SCORE udah ngerikod lebih RM79.971 bilion puku ari perintah enggau peribit.
Ari penyampau nya ku iya, RM33.64 bilion tauka 42 peratus datai ari puku diperanakka sektor peribit lalu semua penyampau puku ti diperanak naka ke diatu iya nya RM22.53 bilion, asil ari semilan projek ti udah beroperasyen.
“
RECODA nyadi ejensi ti mangku tanggungpengawa deka dikearapka ngemataka perambu nyengkaum tusun atur enggau pemansang sistematik sekeda
” industri nya.
Datuk Patinggi Abang Johari Tun Openg
Ketua Menteri
Tujuh projek tu di Taman Industri Samalaju lalu sama siti projek di Mukah enggau Tanjung Manis.
Tujuh pemeranak puku di Taman Industri Samalaju udh dipeda mayuh mantu ngagai ekonomi di menua sereta ngenataika penatai pemisi urung RM500 juta sebulan.
“Ba pengawa matak mayuh agi industri ke Taman Industri Samalaju nyengkaum mali Bintulu nyadi hab petrokimia di rantau tu, perintah deka terus nyukung pemansang industri ke bisi diatu di Taman Industri Samalaju ngambi ulih ngerembaika operasyen sereta matak mayuh agi industri bukai ari produk nya.
“Kitai mega meransang pengawa numbuhka mayuh agi industri petrokimia ti ulih ngena gis asli kitai nyadi