Padang bilun di menua pesisir ngangkatka sektor betanam betupi Sarawak
chara udah sereta benung dipejalaika dikena ngubah Sarawak nyadi nengeri ekonomi digital sereta bepenatai pemisi besai.
Pengawa nya mega nyengkaum kuing ngemansangka agi sektor betanam betupi nengah nyendiaka perengkaguna n yengkaum n gga padang bilun baru ba kandang Bukit Sadok, Betong enggau Bukit Mabong di Kapit.
Ngambi ngemudahka peranak di menua pesisir nyual enggau ngeskport asil betanam betupi sida terus ngagai makit besai.
“Ukai jako kusung,” pia ku penerang Kepala Menteri Datuk Patinggi Abang Johari Tun Abang Openg lebuhn mantaika juluk ati perintah Gabungan Parti Sarawak (GPS) ti deka ngaga padang bilun baru di Bukit Sadok.
Abang Johari berundingka puku ti diperanakka nya chukup manah ke pemansang Sarawak enggau pengelantang rayat menua pesisir ti ngembuan aset produk betanam betupi ke bisi potensial dijual ngagai makit ke besai agi.
Projek padang bilun Bukit Sadok dipeda ulih nyukung perambu pemansang Agropolitan Bukit Sadok ti beungkus RM101 juta ke mega wang turu ekuiti ti diagih ngagai pengemeran industri betanam betupi.
“Bilun mit deka nyadi perengka pengangkut dikena mai produk betanam betupi Agropolitan Bukit Sadok ngagai makit luar enti padang bilun baru nya tembu digaga ila ,” ku iya seraya nyemetak madahka nya ukai tundi ‘April Fool’.
Produk ti dipansutka Projek Agropolitan Bukit Sadok ku Abang Johari deka dibai ngena perengka pengangkut langit sebedau dijual ke menua tasik baka China, India, Jepun enggau Eropah.
Perambu nya dibantaika iya sebedau Pengerami Ketuai Begulai Enggau Rayat Rumah Francis Nyanggau, Penom, Paku di Betong kena April 2017 nya nerima timbal ke jampat ari Sapit Kepala Menteri ti mega Menteri Betanam Betupi Moden, Tanah Adat enggau Pemansang Kandang Menua Datuk Amar Douglas Uggah Embas.
Uggah pechaya projek padang bilun baru Bukit Sadok nya ulih negapka ekonomi rayat ba kandang menua nya ke alai iya udah nemu endur ngaga sereta deka berandau enggau Opis Tanah enggau Survei ngambika mujur dipejalaika. TIMPAI JAUH ABANG JOHARI
Kelimpai ‘mai’ perengkaguna padang bilun, Projek Agropolitan Bukit Sadok mega ngelimpahka rejeki ngagai rayat nengah pemendar ungkup belanja dikena ngaga projek Jalai SekatapMeribung- Nangat JelauJelau Atas-Batu Lintang ti berega RM12 juta.
Kelimpah ari nya, projek Jalai Ijok- Tekuyu- Lempaong- Batu Pesok- Rantau Layang – Perdu ( RM69 juta), Jalai Sungai SibauUlu Padeh- Ulu SkrangNanga Nguman- Perdu ( RM14.5 juta), Jalai Ulu Paku- Ulu Gerenjang- Ulu Krian- Ulu Kota terus ke Pakan di Sarikei ( RM20 juta) enggau Jalai PenomDanau- Ulu Bayor ( RM15 juta).
Runding sereta perambu ngaga padang bilun mit di beberapa bagi menua nengeri tu mandangka Kepala Menteri siku ketuai ti nimpai jauh deka mai industri betanam betupi Sarawak ngagai ikas global.
Ku iya, projek Agropolitan Bukit Sadok ngembuan potensil besai ungkup projek ekonomi,ngemansutka buah, getah, lada, berikan enggau jelu tupi nyengkaum ekodagang temuai.
“Sarawak enda tau enda ngembuan chara inovatif sereta lebih holistik ngemansangka sektor betanam betupi ke ukai aja ulih nempa nyadi negeri pengeluar pemakai nyerumba taun 2030 tang nyadi pengeksport,” ku Uggah ke dipelaba nyadi sebagi ari kebuah perintah ngaga padang bilun mit nya.
Ungkup kandang Bukit Mabong di Kapit, perintah Sarawak bela komited ngaga padang bilun baru dikena mai produk betanam betupi ari kandang menua nya.
Ngena perengkaguna nya, nya deka ngerichahka agi ekonomi ba kandang Bukit Mabong ti ngembuan pemesai urung 11,976 kilometer pesegi.
Nya alai, nengah chara nya nadai kebuah Sarawak enda ulih nempa nama nyadi nengeri keterubah ngemeranka pengawa b etanam betupi nitihka chuan menua maju baka di Eropah nengah perambu holistik GPS enggau sukung rayat Sarawak nyerumba taun 2030.