Perintah Sarawak bebendar mutarka isu sekula repuk
ngadaka anak Sarawak ti mujur, pemansang modal mensia endang seruran dikemerat lalu nyadi pekara keterubah ti dipekuh perintah nengeri.
Berindik ari nya, taja pan pekara bekaul pelajar endang ari baruh kuasa perintah besai, tang perintah nengeri mega megai tanggungpengawa dalam ngangkatka standard pelajar di nengeri tu.
Entara pengawa ti digaga perintah nengeri dikena ngangkatka standard pelajar di nengeri tu iya nya ngemanah infrastruktur pelajar kelebih agi ti ngaul isu sekula ti udah luya.
Isu sekula repuk endang patut diputar ngambika anak Sarawak di tetiap renggat ba nengeri tu nerima pelajar ti lantang enggau sebaka.
Menteri Pelajar, Sains enggau Pansik Teknologi Dato Sri Micheal Manyin Jawong madah, Sarawak agi bisi 904 sekula luya ti patut didirika baru tauka diangkatmanah.
Ku iya madah, Sarawak begunaka paling enda RM3 bilion dikena nirika baru enggau ngemanah semua sekula luya nya.
“Perintah besai semina ngagihka RM100 juta ungkup sekula luya di selampur menua nengah Bajet 2019.
“Ari penyampau nya berapa mayuh ti diterima kitai? Nyangka RM10 juta tauka nyangka mega RM5 juta.
“Tang kitai udah merambu RM3 bilion ungkup 904 buah sekula luya ti patut digaga baru tauka dikemanah,” ku iya lebuh ti dikerandau ba Indu Opis Parti Pesaka Bumiputera Bersatu (PBB).
Lebuh ditanya pelin Sarawak udah tu, Manyin madahka, berindik ari Sarawak ti ukai dalam perintah besai, nya alai Sarawak ulih ngena belanja kediri empu.
Tang ku iya, nya enda senipak enggau Sarawak laban kitai semua mayar chukai ngagai menua tu.
“Kitai mayar 15 peratus chukai lalu nama ti diterima semina 1.4 peratus aja,” ku iya seraya nambah diatu mih maya ti engkeman rayat Sarawak ngetanka nengeri tu. BAJET BESAI
Perintah Sarawak begunaka lebih RM1 bilion dikena nyeruri, nganti enggau ngaga baru semua sekula luya di nengeri tu tang chukup sinu Bajet Perintah Besai 2019 nadai ngayanka bisi agih belanja ungkup tuju nya.
Beserimbai enggau nya, Kepala Menteri Datuk Patinggi Abang Johari Tun Openg lebuh ti mantaika Bajet Sarawak 2019 di Aum Kunsil Nengeri (DUN) ke-18 Baum Kedua ungkup Penggal Ketiga tu tadi udah meri perambu agih belanja sepenyampau RM81.7 juta ungkup pengawa ngaga baru, nyeruri enggau ngemanah sekula luya di Sarawak nyengkaum nyediaka perengkaguna bekal ai enggau elekterik.
Nitih ku iya, Sarawak patut nyingkang ngagai pengawa ngelengkaska pemansang sekula di Sarawak enggau ngena belanja nengeri lalu deka terus dipejalai taun tu.
Ku iya, pekara ti patut meseti digaga enggau lengkas laban Sarawak enda ulih nganti agih belanja perintah besai ti kelalu lama laban sekula tu udah kelalu luya sereta enda likun agi.
Pia mega Abang Johari nengah teks jaku iya ba pengerami ‘Let’s Build St Teresa Grand Dinner 2018’ ti madahka, perintah ngambi inisiatif nyeruri sekula tu ngena belanja perintah Sarawak tang nya ukai mai reti perintah besai patut ngelengkaka tanggungpengawa sida ti patut nentuka perengkaguna pelajar di nengeri tu seruran manah.
“Pelajar ari baruh kuasa perintah besai lalu Putrajaya enda ulih ngelengkaka tanggungpengawa nyendiaka perengkaguna ti bekualiti ngagai nembiak sekula enggau pengajar di Sarawak,” ku iya nyemetak.
Abang Johari madah, Bajet
“
Pelajar ari baruh kuasa perintah besai lalu Putrajaya enda ulih ngelengkaka tanggungpengawa nyendiaka perengkaguna ti bekualiti ngagai nembiak sekula enggau pengajar di
” Sarawak.
Datuk Patinggi Abang Johari Tun Openg
Kepala Menteri
Perintah Besai 2019 nadai ngerintai enggau silik agih be-
“
Nya mih, berindik ari diatu, anak Sarawak kelebih agi nembiak sekula meseti belajar enggau bebendar lalu enggau naka ulih ngiga penemu ngambika kita ulih meri sukung ti beguna
” ngagai pemansang Sarawak.
Datuk Patinggi Abang Johari Tun Openg Kepala Menteri
lanja ungkup pengawa ngaga enggau nyeruri 1,020 sekula luya di selampur Sarawak.
Berindik ari nya, ku iya, perintah Sarawak enggai dituduh enda ibuhka sekula di Sarawak kelebih agi di kandang menua pesisir.
“Nya alai, aku udah mutuska perintah nengeri deka mansutka belanja RM81.7 juta taun ti deka datai (2019) dikena neruska program ti nyadika sekula tu manah agi nyengkaum pengawa nyediaka ai beresi enggau elekterik ungkup pemaik nembiak sekula enggau pengajar taja pan pelajar tu iya nya ari baruh kuasa perintah besai,” ku iya.
Abang Johari madah, diatu mih maya dikena rayat Sarawak nentuka nasit sida empu laban semanjai 55 taun ke udah, orang bukai t nyura nasit Sarawak ketegal t nengeri tu endang ngandalka sida.
“Nya mih, berindik ar diatu, anak Sarawak kelebih agi nembiak sekula meset belajar enggau bebendar lalu enggau naka ulih ngiga penemu ngambika kita ulih meri sukung ti beguna ngaga pemansang Sarawak.
“Kitai meseti mantu dir empu lalu umbas mih seruran bepanggai ba orang bukai data nyaup kitai,” ku iya.