Negika pemerat Sarawak nitihka MA63 enggau Konstitusyen
Komiti Perunding dikena ngetanka pemerat, hak enggau penuduk Sarawak baka ti disempekat dalam Sempekat Malaysia 1963 (MA63) enggau Konstitusyen Perintah Besai.
Komiti Perunding nya gawa meri sanding penemu ngagai bala pengari Sarawak dalam Komiti Khas Kabinet (Pemandu) MA63 ba renggat perintah besai ti diketuaika Menteri Besai Tun Dr Mahathir Mohamad.
Nikalka kenang lebuh mungkal penumbuh Komiti Perunding MA63, Aum Kunsil Nengeri (DUN) kena 6 November 2018 sepenemu ngemendarka mosyen penumbuh komiti nya.
Misyen ti dibantaika Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah dikemendar pengudah dipejurai 31 kaban DUN nyengkaum pengari Pakatan Harapan (PH).
Komiti nya diketuaika Speaker DUN Datuk Amar Mohd Asfia Awang Nassar enggau nyadi kaban Menteri Wang Kedua Dato Sri Wong Soon Koh, Menteri ba Opis Kepala Menteri ( Undangundang, Kaul Sarawak enggau Perintah Besai sereta Matau Projek) Sharifah Hasidah Sayeed Aman Ghazali enggau Menteri Muda ba Opis Kepala Menteri (Pekara Korporat) Abdullah Saidol.
Bela nyadi kaban komiti nya, Menteri Muda Nembiak enggau Lumba Datuk Snowdan Lawan, ADUN Muara Tuang Datuk Idris Buang, ADUN Piasau Datuk Sebastian Ting enggau ADUN Tasik Biru Datuk Henry Harry Jinep.
Dua pengari PH bela ngenapka rintai komiti nya iya nya ADUN Batu Lintang See Chee How enggau ADUN Bukit Assek Irene Chang.
“
Kitai deka ngemansangka kandang tanah tinggi, pasar baru enggau palan eksport, numbuhka rentayan moden perengka pengangkut enggau logistik sereta jampat bekerejasama enggau bala ke besemak menua dalam perdagangan
” antarabansa.
Datuk Patinggi Abang Johari Tun Openg
Kepala Menteri
EMPAT PEKARA
Kena 3 Januari tu tadi, Kepala Menteri Datuk Patinggi Abang Johari Tun Openg ngatur aum pengarang berita pengudah nguluka aum keterubah Komiti Perunding MA63 madahka Perintah Nengeri Sarawak udah netapka empat pekara ari baruh MA63 enda tebuka ngambika dikerandau enggau Perintah Besai.
Ku iya, empat pekara nya iya nya kuasa autonomi imigresyen, hak neritka kuasa undang-undang nengeri nitihka konstitusyen perintah besai, nyaga garis entara menua nengeri, baruh tanah enggau asil iya dalam garis entara menua nengeri tu.
Iya madahka empat pekara tu udah dikerandau rambau Aum Komiti Kabinet Khas MA63 ti keterubah kena 17 Disember tu tadi ba Putrajaya ti diketuaika Tun Dr Mahathir.
Taja pia ku iya, nadai saut timbal diterima ari Perintah Besai pengudah Sarawak mantaika empat pekara ti enda tebuka ba jurai rambau aum nya.
“Nadai saut, nya kebuah kitai ngumbai sida setujuka empat pekara tu, iya nya enda tebuka ngambika diperunding,” ku iya.
Ngelansa silik ku Abang Johari, kelimpah netapka empat pekara ti enda tebuka ngambika diperunding, Perintah Sarawak mega mantaika lima isu ti patut dipejurai dalam
“
Sarawak sebuah negeri yang besar dan sudah tentu memerlukan sumber kewangan besar untuk membangunkannya khasnya dari segi
” infrastruktur, bekalan air dan elektrik.
Datuk Patinggi Abang Johari Tun Openg Kepala Menteri
komiti khas nya.
Keterubah ku iya, peminta nyerenih baru pemeri khas ngagai Nengeri Sarawak enggau Sbah di baruh Perkara 112D Konstitusyen Perintah Besai, hak ba pemansut belanja tambah ar baruh tusun kesepuluh Konstitusyen Perintah Besai enggau kuasa teda pekara undang-undang di baruh Perkara 77 Konstitusyen Perintah Besai.
Isu bukai ti patut dipejurai nyengkaum tanah nengeri ti badu agi dikena Perintah Besai, iya nya bisi di baruh Komisioner Tanah Perintah Besai, patut dipulaika baru ngagai Sarawak enggau pejalai kuasa perintah besai bekaul enggau pelajar, perubat enggau pengerai ti enda ngelantangka ati.
Pengudah semua pengawa mantau enggau jurai dipejalai nitih ku Abang Johari, aum mega setujuka Perintah Sarawak nyukung perambu ubah konstitusyen dalam Perkara 1 (2) pasal tiga kandang menua ba pengawa numbuhka Malaysia.
Setuju mega ku iya, bela dijapai ke alai isu ti dibantaika Sarawak enggau Sabah deka diperati silik enggau dipejurai lenak agi ba dua komiti ti bela ditumbuh iya nya Komiti Teknikal enggau Komiti Kereja.
Bela dipesetuju nambahka kaban Komiti Khas baka dilanggur Sabah enggau Sarawak sereta pansik baru pekara khas ti semina ngaul Sabah enggau Sarawak enda deka ngeruga penuduk nengeri bukai ba pekara kuasa nengeri dikena ngaga undang-undang nengeri, geran khas enggau asil penatai pemisi khas ari baruh Konstitusyen Perintah Besai.
Kelimpah ari pekara ti dipesetuju ba atas, Menteri Besai ku Abang Johari mega setujuka langgur penemu Menteri Pekara Ekonomi Dato Seri Azmin Ali ngambika randau sentang isu bekaul pekara petroleum ditampung antara Perintah Sarawak enggau PETRONAS.
Menteri Wang nya mega ku iya, mataika penemu ke alai chukai jual ke atas petroleum endang enda patut lalu Sarawak nyemetak madahka tu hak Sarawak ti dipejalai di baruh Konstitusyen Perintah Besai, Perkara 95C enggau Tusun Kesepuluh.
Sarawak mega bepenemu iya patut berundingka chukai petroleum ti dipejalaika perintah besai.
“Komiti Kabinet Khas tu diberi timpuh enam bulan endur ngulihka semua ripot lalu jalai mutarka isu ti dibantai ba komiti tu.
“Komiti Teknikal enggau Komiti Kereja deka ngepunka randau ba pekara tu berengkah ari Januari tu, seraya aum udah tu ungkup Komiti Kabinet dipelaba diatur dalam bulan Febuari enggau April ila,” ku iya. POLISI BESAI
Lebuh mantaika Belanja 2019 rambau aum DUN kena 14 November tu tadi, Abang Johari nyemetak madahka tiga polisi besai ungkup autonomi Sarawak.
Polisi keterubah ku iya, iya nya pemansang Sarawak ti bepunka ekonomi, reti iya, Sarawak badu agi nyerahka pemansut pengaya ngagai Putrajaya ngemansangka Semenanjung Malaysia.
“Reti iya, pemansut pengaya Sarawak deka dikena ngemansangka ekonomi kitai ti tegap dalam rentayan rega kitai.
“Kitai deka ngemansangka kandang tanah tinggi, mengeri baru enggau palan eksport, nempa rentayan moden perengka pengangkut enggau logistik enggau bekerejasama jampat enggau bala bukai ba pengawa dagang antarabansa,” ku iya.
Polisi kedua iya nya pengawa nurunka kuasa ti ngemai reti Sarawak deka bisi polisi bepalan di Sarawak ba pekara pelajar enggau pengawa nyaga pengerai mensia mayuh ti udah nya deka dikerembai ngagai pengelikun enggau undangundang.
Ku iya, pekara tu bisi dalam Lis Perintah Besai Konstitusyen Perintah Besai tang perintah nengeri bepenemu mayuh agi tau dipejalai enggau manah agi ungkup pemerat Sarawak.
Polisi ketiga ku Abang Johari, bisi gaya kritikal iya nya pekara wang Perintah Besai.
“Nama pengelebih Sarawak ari pengawa ngatur maya Perintah Besai ngutip asi ari Sarawak lalu udah nya ngagihka pemansut ba kandang menua ti nyangka enda engkeman enggau peminta Sarawak?
“Sekalika bisi ripih alternatif ba pekara wang ungkup Sarawak bekaul enggau Perintah Besai?” ku iya nanya.
Abang Johari nyemetak madahka kesemua tiga polis nya patut dikemeran maya Sarawak gawaka autonom Sarawak, devolusyen kuasa enggau implikasyen pekara wang sida.
Tetak jaku ku iya, Sarawak badu agi bepanggai ba polis enggau pemutus Perintah Besai maya nyebut pasal pengawa ngenatai enggau pejalai projek sereta servis ngagai rayat.
“Kami dekaka autonom ba pengawa ngenatai enggau bejalaika projek enggau polisi kami, laban model lama lebih setengah abad nadai ulih gawaka Sarawak. “Badu agi, umbas,” ku iya. Berindik ari nya ku iya tebal agi projek infrastruktur dipelanja perintah nenger deka ditinda chara tebuka berengkah ari tengah taun baru.
Iya madahka projek ti ditinda chara tebuka deka dipejala pengudah ditentuka kunteriktor ti mujur.
Ku iya, projek infrastruktur tu datai ari jalai alun, jematan bekal kuasa karan enggau bekal ai ba selampur Sarawak lalu deka dipelanja perintah nengeri.
“Sarawak sebuah nengeri t besai lalu tentu mega begunaka pemansut belanja besai dikena ngemansangka iya kelebih ag ari sukut infrastruktur, beka ai enggau kuasa karan.
“Agih belanja ninting taun diagihka Perintah Besai enda chukup dikena tuju tu laban Sarawak nyauka sama pemesai enggau Semenanjung Malaysia.
“Nya kebuah kitai udah ngaga pemutus ba mayuh projek jalai alun, jematan bekal kuasa karan enggau ai selampur Sarawak deka dipelanja Perintah Sarawak empu,” ku iya ba jaku pesan Hari Krismas 2018 enggau Taun Baru 2019.
Dikena nentuka raban mega pengarap kelimpah Islam ba nengeri tu ngemeranka pengarap sida empu enggau at lantang, Unit Pekara Pengarap Bukai (UNIFOR) ditumbuh kena 26 Mei 2017.
Perintah nengeri ku iya ngagihka RM15 juta ungkup bejalaika 77 projek rumah sembiang serata Sarawak.
Taun nyin tadi, UNIFOR di baruh tanggungpengawa Sapit Kepala Menteri Datuk Amar Douglas Uggah Embas nerima agih belanja penyampau RM20 juta.
Dalam Bajet 2019, Abang Johari ngemendarka RM30 juta ungkup UNIFOR mantu raban megai pengarap kelimpah Islam ba nengeri tu ngaga tauka nyeleti rumah sembiang sida empu.
“
Nadai saut, nya alai kitai melabaka sida setuju ke alai empat pekara tu enda dibai ngagai
” mija berunding.
Datuk Patinggi Abang Johari Tun Openg
Kepala Menteri