Ketegal Rayat Sarawak Inisiatif Kepala Menteri Abang Johari kenyau iya mangku pengawa nyadi Kepala Menteri ba taun 2017

1. Ngetanka Pemerat, Hak enggau Penuduk Sarawak

Baka ti disempekat dalam MA63 enggau Konstitusyen Perintah Besai nengah pengawa numbuhka Komiti Perunding ngambika meri sanding penemu ngagai pengari Sarawak dalam Komiti Khas Kabinet Sempekat Malaysia 1963 (MA63). 2. Agih Belanja Pemadu Tinggi ungkup Pemansang enggau Belanja Nengeri Sarawak 2019

Dikena ngerumban pemansang ekonomi-rama nengeri Sarawak ke pemaik enggau pengelantang rayat. 3. Negapka Integriti dalam Ngatur Projek Perintah

Nengah tinda tebuka enggau matih Pemesai Integriti. Berengkah taun 2019, Perintah Nengeri deka ngaul Ketuai Audit Menua enggau SPRM dalam aum Tinda Nengeri. 4. Nurunka Rega Premium Tanah

Ungkup sitak Skim Pengentap Berumah Baru enggau Skim Nangkir Genturung Pendiau sepenyampau 50 peratus. Premium udah ditetapka RM2,500/lot dibanding enggau rega asal RM5,000/lot. 5. Ngetanka Hak Tanah Rayat nengah Pengawa Ngaku Native Territorial Domain

Nengah ubah Kanun Tanah 2018. 6. Numbuhka Kaunsil Pemansik enggau Pemansang Sarawak (SRDC)

Dikemendarka 9 November 2017.

Dikena matau promosyen, penyemela enggau ngemajuka pansik enggau pemansang (R&D). 7. Negapka Pengawa Matau Projek Rayat ti mai Empas Tinggi

Komiti Nyemelaka Pemansang Nengeri ditumbuh ngambika matau pejalai projek rayat ti ngemai pangka tinggi dikena nentuka projek dipejalai enggau tembu nitihka timpuh ti pulaika pemaik rayat. 8. Neguhka Pelajar Sains, Teknologi, Injinir enggau Matematik (STEM) enggau Latih Teknikal, Pelajar enggau Vokasional (TVET)

Nengah pengawa nempa projek pemungkal makmal pelajar STEM sereta kus penyikar enggau kus pandak TVET. 9. Ngemanah enggau Ngaga Baru Sekula Repuk di Sarawak

Nengah agih belanja Khas Sekula Repuk. 10. Meri Bantu Wang ngagai Sekula Bantu Perintah (SJKC enggau sekula Mubaligh)

Dikena ngemanahka infrastruktur, begunan enggau perengka guna sekula. 11. Negapka Pengawa Nguasa Jaku English

Ngambika ulih nguasa bidang sains enggau teknologi sereta penau komunikasyen enggau komuniti antarabansa. 12. Seruran Meri Sukung ngagai Sekula China

Nengah pengawa Ngaku Setipikit Ujian Aliran China (UEC). 13. Nambah Belanja Skolarship Pelajar

Nengah pengawa nambahka premium kayu lumpung. 14. Nambahka Penyampau Tubuh Lutur Sarawak

Nengah pengawa meri skolarship dalam bidang perubat di UNIMAS. di

15. Ngatur Aum Besai Antarabansa Ninting Taun Ekonomi Digital Sarawak (IDECS)

• Diatur kena 3-4 April 2017 enggau 14-15 Mei 2018.

• 8 atur pengawa besai dipejalai nuju Ekonomi Digital Sarawak.

• Pengawa numbuhka DBOS

• Pengawa nempa SMA

• Pengawa nempa SDEC

• Nambahka peneras infrastruktur ICT

• Kampung Digital

• Promosyen e-belajar ngagai rebak biak

• Promosyen Sarawak nyadi Palan Data

• Pelin Digital ungkup Sarawak

16. Bejalaika Dokumen Strategi Ekonomi Digital Sarawak 2018-2022

• Dilanchar kena 13 Disember 2017.

• Ngundan 47 atur pengawa strategik pemansang ekonomi digital.

• Sektor besai: Betanam Betupi, Industri Kilang 4.0, Dagang Temuai, Mengeri Pintar, Pengerai Digital, eDagang, Perintah Digital enggau Pekara Rama.

• Pengulihubah: Infrastruktur, Pengelandik enggau Penau, Pansik & Pemansang, Inovasyen & Pengawa Dagang, Big Data, Pengelikun Siber enggau Bungkur Digital. 17. Numbuhka Sarawak Multimedia Authority (SMA)

• Ordinan SMA dikemendarka DUN dalam bulan November 2017.

• Dilanchar kena 13 Disember 2017 lalu diatu benung gawa.

• Pengawa numbuhka anak kompeni Kaunsil Ekonomi Digital Sarawak (SDEC) nyadi ejensi nguluka pejalai inisiatif ekonomi digital di Sarawak. 18. Numbuhka Hab Inovasyen Sarawak

Dikena ngemayuhka pengelain kreativiti enggau inovasyen ngagai rebak biak nengah Hab Inovasyen TEGAS, Kuching (dilanchar kena 28 Ogos 2017) enggau Palan Inovasyen Sarikei (dilanchar kena 17 September 2017). 19. CENTEXS nyadi palan Pemansang Pengelandik dalam Bidang Digital

Memorandum Sempekat antara CENTEXS enggau HUAWEI disain kena 10 November 2017.

Nyendiaka awak ngagai raban nembiak nyereta latih enggau pemansang penngelandik dalam bidang digital. 20. Sarawak ID

Sistem kelala digital ti dipejalai dikena ngemuntangka atur pengawa rayat enggau perintah sereta mantu ngalih ngagai perintah digital. 21. Digital Kenyalang

Dilanchar kena 14 November 2017.

Nyadi pelasar mantu bala pedagang mikro nyual produk dikena nambahka penatai pemisi sida. 22. Sarawak Pay

Dilanchar kena 15 November 2017. Meransang pengawa ngena aplikasyen mayar nadai ngena mata duit. 23. Forum e-Commerce Sarawak

Diatur kena 7 November 2017.

Pelasar dikena meransang dagang online ngagai bala pedagang. 24. SarawakGov

Dilanchar kena 13 Mac 2017.

Nyediaka penerang pemadu baru pasal servis Perintah Sarawak. 25. Meri Bekal Kuasa Karan enggau Ai Beresi ngagai Sekula Menua Pesisir

Ti apin nerima bekal ai beresi (33 buah sekula) enggau bekal kuasa karan ari grid (113 buah sekula) belanja dilanggur urung RM59 juta. 26. Ngemesaika Bungkur Bekal Ai Beresi

Nengah projek bekal ai beresi berengkah ari taun 2019. 27. Bejalaika Program Grid Bekal Ai Sarawak

Agih Belanja khas udah diagih dikena mutarka semua isu bekal ai ngambika ulih meri bekal ai beresi ti chukup ngagai selampur nengeri Sarawak. 28. Bejalaika Program Bekal Ai Alternatif Sarawak (SAWAS)

Dikena meri bekal ai beresi ngagai komuniti menua pesisir di ulu entigis ti enda ulih disambung nengah sistem bekal ai grid ti bisi diatu. 29. Ngempu Tekat Ai Bakun

Tekat Ai Bakun (2,400 megawatt) di Ulu Belaga udah diambi Perintah Sarawak kena 16 Ogos 2017. 30. Nambahka Bungkur Bekal Kuasa Karan Menua Pesisir ngagai Selampur Nengeri Sarawak

Skim Bekal Kuasa Karan Menua Pesisir (RES) Skim Bekal Kuasa Menua Pesisir (RPSS)

Skim Bekal Kuasa Karan Alternatif Menua Pesisir (SARES) 31. Puku Nyerungkai Dagang ungkup Pedagang Nembiak

Dikemendarka kena 17 November 2018, nyadi puku dikena nyerungkai dagang (venture capital) dikena mantu pedagang biak ti baru ngaul diri ba pengawa dagang belalauka pekara kreatif enggau inovatif. 32. Pelin Transformasyen e-Dagang 2030 (E-Com Y30)

Dilanchar kena 5 April 2017 dikena nambahka pengelandik digital raban nembiak enggau meri awak ngagai sida ngaul diri ba e-Dagang. 33. Negapka UNIFOR (Unit Pekara Jalai Pengarap Bukai)

Ditumbuh kena 27 Mei 2017.

Mangku tanggungpengawa nerenak pemaik antara jalai pengarap.

Merambu enggau nyimpul penemu polisi, undangundang enggau atur ti bekaul enggau pekara pengarap ukai Islam di Sarawak. 34. Nikika Gaji Ketuai Raban Bansa enggau Elawin Ketuai Bansa

Gaji enggau elawin ditiki dalam taun 2018 dikena ngenang pemaik pengawa ke udah dikereja enggau pengawa bala Ketuai Raban Bansa enggau Ketuai Bansa. 35. Nyamin Pengidup Rebak Biak Dudi Hari Nengah Pemeri RM1,000 ngagai Genap Iku Anak Mit Baru Ada

Diterit berengkah ari 1 Januari 2019. Nyadika duit taruh ungkup pelajar enggau pengidup dudi hari Anak Sarawak. 36. Ngemanahka Kualiti Pelajar Tumu Nembiak Mit

Pengawa meri geran ninting taun ungkup pelajar pra sekula enggau tabika berengkah ari Januari 2019. 37. Nempa Pelasar Pemadu Manah ba Pelajar Tumu Nembiak Mit

Nengah ngambi pengawa ngatur Pra Sekula enggau Tabika SeDidik berengkah ari taun 2019. 38. Servis Sarawak

Dilanchar kena 2 Disember 2018.

Servis One-Stop Centre di UTC Kuching, Sibu enggau Miri. 39. Ngaga 5 Buah Jematan Baru

Jematan Lassa (Mukah)

Jematan Batang Rambungan (Lundu) Jematan Bintulu-Jepak (Kuala Kemena, Bintulu) Jematan Batang Lupar (Samarahan/Betong) Jematan Batang Igan (Mukah) 40. Ngaga Jalai Besai Kedua enggau Ngenapka Jalai Tebing Tasik

Ngemudah peranak enggau mai barang mindah kelebih agi ba kandang tebing tasik enggau menua pesisir. 41. Ngaga Padang Bilun Baru ba sitak Bukit Sadok enggau Bukit Mabong

Ngambika peranak menua pesisir mudah agi nyual enggau eksport asil betanam betupi sida terus ngagai makit besai. 42. Ngemodenka Sistem Perengka Pengangkut Mensia Mayuh

Perambu ngaga LRT ti deka dipejalai dalam timpuh 10 taun. 43. Nentuka Pengawa Ngintu Rampa Menua ti Beresi enggau Meruan

Nengah pengawa ngena bas hidrogen enggau bas elekterik dalam taun 2019 ti dipun ba mengeri besai Kuching. 44. Ngelala Pun Penatai Pemisi Baru Nengah Carbon Trading

Bekerejasama enggau SHELL ngemansangka pengawa nyaga enggau ngintu rampa menua asal. 45. Negapka Agi Pengawa Neritka Undang-Undang Kampung

Nambahka agi kerejasama antara ejensi penerit adat enggau pejalai pengawa ngenukuka STLVS (Sarawak Timber Legality Verification System). 46. Negapka Pansik Bemacham Biologi

Bekerejasama enggau palan pemansik tebilang baka LUKE (Institut Sumber Asli Finland). 47. Numbuhka Bank Pemansang Sarawak (DBOS)

Ditumbuh kena 3 November 2017 dikena melanja projek strategik di Sarawak. 48. Numbuhka Petroleum Sarawak Berhad (PETROS)

Ditumbuh kena 6 Ogos 2017 dikena ngemansangka industri minyak enggau gis di Sarawak. 49. Numbuh Ejensi baru ari baruh Kaunsil Pemansang Koridor Wilayah (RECODA)

Dikena ngerumban pemansang kandang menua Koridor Kuasa Ulih Dikena Baru Sarawak (SCORE) berengkah ari 2019.

Ejensi Pemansang Ulu Rajang (URDA) dikena ngemansangka kandang menua di Ulu Rajang.

Ejensi Pemansang Tanah Tinggi (HDA) dikena ngemansangka kandang menua tanah tinggi di utara Sarawak.

Ejensi Pemansang Kandang Utara (NRDA) dikena ngemansangka kandang menua utara Sarawak. 50. Numbuhka Ejensi Pemansang Wilayah Bersepadu Samarahan (IRSDA)

Pengawa numbuhka Ejensi Pemansang Wilayah Bersepadu Samarahan (IRSDA) dikena meransang enggau ngerichahka agi pemansang di Bagi Menua Samarahan. 51. Ngempu 10% Saham dalam PETRONAS LNG Train 9 enggau Nambah Agi Ngempu Saham dalam MLNG 3 ari 10% ngagai 25%

Nambahka agi puku diberanakka perintah nengeri dalam industri minyak & gis enggau mansutka penatai pemisi tambah perintah nengeri. 52. Nambahka Asil Nengeri nengah Chukai Jual ti dipejalaika

Pejalai chukai jual 5% ngagai produk petroleum ber- engkah diteritka 1 Januari 2019 ngambi nambahka asil nengeri dikena melanja pejalai projek besai pemansang ba nengeri tu. 53. Numbuhka Opis Dagang Sarawak

Sarawak enggau Singapore deka bekerejasama ba pengawa negapka agi pengawa betanam betupi enggau dagang temuai. Opis Dagang Sarawak ba Singapore diatu benung ditumbuh.

Dua agi opis bela diperambu dibuka ba Negara Brunei Darussalam & Pontianak, Indonesia. 54. Ngaga Baru Jematan Gantung Satok

Pengawa ngaga baru jematan ti ikonik enggau besejarah nyadi produk dagang temuai kelebih agi di mengeri besai Kuching.

55. Ngemansangka Old Kuching Heritage nyadi produk dagang temuai ti manah

Empat komponen besai Old Kuching Heritage iya nya:

1. Heritage Trail

2. Kampung Heritage

3. Riverfront Heritage

4. Business Heritage 56. Negapka Pengawa Betanam Betupi dikena Nambahka Asil Dikeluar enggau Penatai Pemisi Rayat

Nempa kerejasama enggau kompeni ti ngulu (Anchor Company) ngambika mantu raban bumai mit nyual asil betanam betupi sida.

Nempa raban bumai baru ti bisi penemu enggau pelajar tinggi sereta bekenaka Aplikasyen Digital (IoT enggau ke bukai). 57. Melanja Pemansang Pengawa Betanam Betupi

Puku Dikena Nyerungkai Pengawa Betanam Betupi – negapka model dagang ba sektor betanam betupi ari pengawa meri puku dikena nyerungkai pengawa betanam betupi enggau sida ti bekaul dalam industri betanam betupi.

Program Bantu Betanam Betupi– bemacham bansa bantu baka subsidi ngagai raban bumai, inisiatif melanja ngagai raban dagang betanam betupi,kompeni peribit enggau gerempung raban bumai. 58. Bejalaika Program Pemansang Betanam Betupi Bersepadu

Nengah Agro Park, Palan Ngumpul, memproses enggau Nungkus (CPPC) enggau Taman Kekal Pengeluaran Makanan (TKPM). 59. Ngemansangka Kapasiti Gerempung Raban Bumai Pelilih Menua

Pengawa ngaga begunan opis baru Gerempung Raban Bumai Nengeri Sarawak (PPNS).

Nambahka agih belanja ninting taun ngagai tetiap Gerempung Raban Bumai Pelilih Menua (PPK). 60. Ngaga Mayuh Agi Rumah Ulih Dibeli

Perintah Sarawak komited nyediaka rumah ulih dibeli ngagai raban bepenatai pemisi baruh (B40) enggau raban bepenatai pemisi jelan pemesai (M40) nengah program:

Rumah SPEKTRA Permata nyengkaum Skim Nangkir Genturung Pendiau (SPK) Lundu, Kuching; SPK Lundu, Kuching; SPK Sematan, Kuching; SPK Igan, Mukah; enggau SPK Tian, Matu.

Rumah Ulih Dibeli (RMM) nyengkaum RMM Darul Hana, Kuching; RMM Kampung Tabuan Melayu & Foochow, Kuching; RMM Kemuyang, Sibu; RMM Kampung Kapit Baru, Kapit; enggau RMM Kampung Datu Baru, Sibu.

61. Ngangkatmanahka Perengkaguna Infrastruktur enggau Ameniti Genturung Pendiau Asal ari baruh Urban Renewal Program

Ari baruh program tu, 3 buah genturung pendiau asal dalam mengeri besai Kuching udah dikelala:

• Kampung Kudei

• Kampung Sungai Maong

• Kampung Segedup 62. Ngurangka Ungkus Ngaga Rumah Ngena IBS

Nentuka rega rumah enda nating rayat kelebih agi raban bepenatai pemisi baruh (B40) enggau raban bepenatai pemisi jelan pemesai (M40), Perintah Sarawak minta pemaju ngena Industrialised Building System (IBS) ba pengawa berumah.

Kaunsil Pemansang Pengawa Berumah (HDC) udah ngepunka singkang ngaga kilang IBS di Kuching lalu pengawa nasih tanah kilang udah diatur kena 28 Mac 2018. 63. LASIS

Dilancharka kena 24 Julai 2018 dikena ngangkatmanah servis ngagai rayat bekaul atur tanah. 64. Meli Bilun Khas Kargo

Nengah Hornbill Skyways ngambika asil betanam betupi di menua pesisir ulih dijual ngagai menua di luar Sarawak. 65. Nyendiaka Rumah ti Lantang Agi

Nengah Program Nyeleti Rumah Rayat Seranta Sarawak (PPRMS).