Produk gula apong Sarawak deka rembus ba makit Eropah
FAMA keran deka ngatur kerejasama enggau menua Turki ngambika ulih ngelakuka produk gula apong tu ba makit Eropah
KUCHING: Produk gula apong Sarawak deka dikelaku ba makit menua Eropah.
Chairman Lembaga Pemasaran Pertanian Persekutuan (FAMA) Ishak Ismail madah produk nya dikelaku nengah Turki.
Ku iya, randau ngemujur pekara nya udah diadu enggau orang dagang sereta pengari perintah di Turki ngambi kitai ulih ngelaku gula apong Sarawak di Eropah.
“Asil randau nya, sida keran ngadu kerejasama ngelaku produk gula apong tu ke Eropah nengah Turki,’ ku iya.
Ishak mansutka jaku nya ba aum pengarang berita pengudah ngelanchar Promo-
“
Asil randau nya, sida keran ngadu kerejasama ngelaku produk gula apong tu ” ke Eropah nengah Turki.
syen Gula Apong nyadi kelai Produk Negeri Sarawak sereta Program Jom Buah di Medan Niaga Satok ditu, kemari.
Dikena nentuka produk tu ulih dikerembai ngagai makit ke besai agi, Ishak madah diatu FAMA benung ngulihka setipikit antarabangsa alai nya nyengkaum Pensijilan Amalan Pertanian Baik (MyGAP).
“Setipikit tu meseti bisi sebedau kitai ulih ngelaku produk lalu diatu kitai udah netapka gula apong diangkat nyadi ‘Signature’ Produk begulai enggau 14 iti agi produk bukai di serata Malaysia ti deka dilanchar ba tengan taun tu,’ku iya.
Nitihka penerang Ishak produk gula apong Sarawak mega deka dikelaku di Semenanjung Malaysia, Timur Tengah enggau sekeda menua Asia.
Berindik enggau nya, iya ngelalau raban nembiak tauka orang ti rinduka pengawa bekebun bela besaup nentuka bekal produk tu seruran chukup lalu nangkup pinta makit.
Iya berasai lantang pengudah Perintah Sarawak ngembuan juluk ke sama lalu udah nambah pemesai tanah endur nanam mulung kelebih agi di Kampung Tambak, Pusa di Pelilih Betong.
K a b a n K u n s i l Nengeri( ADUN) Beting Maro, Razaili Gapor ke bela datai ba pengawa nya madah kandang kebun endur nanam mulung di Kampung Tambak mungkur tanah pemesai 50 hektar alai Taman Nipah mega deka ditumbuhka di genturung pendiau nya.
“Taman Nipah ditumbuh ba tanah pemesai 10 hektar ba taun tu nengah agih belanja ari Perintah Nengeri penyampau RM2 juta.
“Tu deka nambah asil produk gula apong lalu deka mega nyadi produk agro dagang temuai di Pusa,”ku Razali.
Bela datai, Chairman FAMA Negeri Sarawak, Shahid Abu Bakar enggau Kaban Parlimen (MP) Puncak Borneo, Willie Mongin.
Ishak Ismail Chairman FAMA