JTBC menggi ‘Anugerah Cable & Satellite Network of the Year’ ba ATA Ke-23
Program televisyen ari Korea, JTBC mujur ngempu ‘Anugerah Cable & Satellite Network of the Year’ ditangkan program televisyen ari Taiwan Formosa Television bulih ‘Anugerah Terrestrial Broadcaster of the Year’ beserimbai enggau Anugerah Televisyen Asia (ATA) Ke-23 ke diatur ba Palan Aum Borneo Kuching (BCCK) malam ensana.
Kepala Menteri, Datuk Patinggi Abang Johari Tun Openg disempulang Miss World Talent (Miss World 2014), Dewi Liana Seriestha nyuaka gelar nya ngagai pengari ejensi televisyen nya.
Pengerami nya dipancharka terus ba 22 bengkah menua nengah channel KBS, NHK, HBO, CNN, Bloomberg, BBC, AL-JAZEERA, TV18, Discovery Networks, Imagine Group, Viacom International Media Networks, Astro, Media Prima, PT Televisi Indonesia , Mediacorp, CGTN, PCCW, Formosa, ABS-CBN, BBTV, SMG enggau lebih 500 juta mensia disadang bisi meda pengawa nya. Entara temuai ke dikangau ngulu pengawa tu iya nya lebih 300 delegit entarabansa nyengkaum pengeluar filem, direktor, pemerindang, pemeri belanja besai, chalun artis ari menua ke ngambi bagi ke datai ari selampur menua Asia.
Cheng Rexen, 36 taun begulai enggau Kim Nam Joo, 48 taun dipadu nyadi Pelakun Lelaki enggau Pelakun Indu Pemadu Manah ba pengerami nya.
Artis ari Taiwan nya nerima anugerah nengah pemujur iya melakun ba filem Schrodinger’s Cat lalu ari artis indu ari Korea nya bulih anugerah nengah filem Misty ke dikelala enggau nama Go Hye-Ran.
Udah nya, Jirayu Tantrakul ari Thailand nerima anugerah Aktis Pemadu Manah nyadi Pelakun Pemantu ba filem KOM FAEK (The Lost Art) ditangkan Sinjai Plengpanich (Thailand) dipadu nya Artis Pemadu Manah nyadi Pelakun Pemantu nengah filem Ayodhaya.
Penerima bukai ke bela pulai mai perais iya nya Something In The Rain (Korea Selatan) ungkup Siri Drama Terbaik; Kurara: The Dazzling Life of Hokusai’s Daughter (Jepun) ungkup Drama Tunggal Pemadu Manah atau Program Telemovie.
Lebih 50 selebriti tebilang Asia ngulu pengerami tu baka Derek Chun, James Kumar Ase Wang, Maylada Susri Maneerat Kum-Uan, Hu Gua Ah Xiang, Louis Scott, Ray Macdonald, Jirayu Tantraku enggau Hoang Yen Shibi.
Bela datai bini Kepala Menteri Datin Patingg Jumaani Tuanku Bujang Menteri Dagang Temuai Seni, Main Asal, Nembiak enggau Lumba Datuk Abdu Karim Rahman Hamzah enggau bni iya.