25 iku pemain Sarawak udah sedia ngerebut Mangkuk Presiden 2019

Utusan Borneo (Sarawak) - - Berita Iban -

Urung 25 iku pemain udah sedia besemekih ungkup napi Mangkuk Presiden 2019 pengudah sida mujur dipilih ngarika Tim Main Bol Sarawak kenyau 7 Januari tu tadi.

Pengawa milih pemain pengelama empat hari nya digaga berenggat sereta diatur terus ba Stadium Miri.

Nya dipejalaika nengah pengelandik enggau peneleba Ketuai Jurulatih iya, Abdul Jalil Ramli dibantu Pengiran Bala enggau Abu Bakar Amran ke nyadi pemantu jurulatih.

Entara pemain ke mujur dipilih iya nya Dickson Therry Rampai, Ericson Lichu, Qaaiman Rizqi Jofri, Abang Nur Afirman, Rivaldo Adrill, Haziq Rahim enggau Tengku Muhamad Hallfi.

Kelimpah nya Sulaiman Jamali, Awang Shahriman Awang Ahmad, Azafarizal Harun, Chong Ka Hui, Amir Amri Salleh, Zharif Yazin Nasruddin enggau Hamirul Haidi Haida.

Bela kena pilih iya nya Diego Baggio Test, Henry Amir Simon, Hidayathullah Hasli, Mohad Ikhsan Johari, Mohd Ikmarruddin Jais, Muaazami Isyraf Rosman, enggau Richman Jack Damsey.

Sida ke bukai iya nya Rachman Jack Damsey, Mattew Sallas Ngerantar, Wan Badzreen Wan Yusuf enggau Amirrul Iqmal Bolhi.

Menijar Tim Mangkuk Presiden Sarawak, Nazri Datuk Ahmad Lai madah Mangkuk Presiden renggat gerup dipelaba berengkah 21 Februari nyentuk 15 Julai.

Udah nya, suku final deka diatur kena 22 Julai nyentuk 31 Julai ditangkan enggau sem final kena 6 Ogos nyentuk 12 Ogos.

Lalu pekit final ditaga diatur kena 7 September nyentuk 14 September ila ti ngemataka 22 kali main beduruk.

Nazri andal semua 25 pemain ke udah dipilih endang iya ke pemanah manah lalu ulih mantu tim Sarawak.

“Kitai andal enggau pengelandik sereta peneleba Abdu Jalil Ramli enggau bala jurulatih bukai, bala pemain kitai ulih mandangka main ti manah sereta enda disadang orang,” ku iya.

UDAH SEDIA : Raban jurulatih Mangkuk Presiden Sarawak 2019 begambar kenang enggau bala pemain ke mujur dipilih ngarika tim Sarawak ungkup serak tu.

Newspapers in Malay

Newspapers from Malaysia

© PressReader. All rights reserved.