Program ‘Back to School 2019’ meri pemaik ngagai 421 nembiak

Utusan Borneo (Sarawak) - - Berita Iban -

Sepenyampau 421 nembiak primari dua enggau tiga ari limba buah sekula ditu nerima pemaik ari program ‘Back to School 2019’ diatur begulai enggau Yayasan Sime Darby enggau Rotary Club of Kuching Central (RCKC) ensanus.

Bantu sekula tu ngaul bala nembiak ari Sekula Primari (SK) Hulu Segan, SK Labang, SK Kuala Sigu, SK Bukit Mawang enggau SK Genaan ba pelilih Sebauh nyengkaum Ulu Sebauh.

Ba projek ngagihka bantu tu, genap iku nembiak nerima sepasang gari sekula, kantung enggau sepasang kasut sereta keraban sekula bukai.

Pengari RCKC madahka bantu nya pengawa manah kelab mantu nembiak seranta enggau begunaka bantu.

“Nengah bantu tu ulih nyaup ngelempungka tating dibelanja ditanggung apai indai enggau nembiak nya empu bebelika kereban dikena ngepunka sekula,” ku iya.

Nya kebuah bantu nya mantu raban diselinting ngelempungka tating sida lalu meri peransang ngagai bala nembiak nampung sekula ari pemisi kereban belajar ti chukup.

Program tu antara servis komuniti kelab nya mantu bala komuniti menua nya kelebih agi nembiak sekula ungkup pengelantang sida ngiri penemu.

Newspapers in Malay

Newspapers from Malaysia

© PressReader. All rights reserved.