20 isi bilik Kampung Jeriah nerima bantu ari PKR Sibu
Parti Keadilan Rakyat (PKR) Pampang Sibu udah nyuaka pemeri papan lapis ngagai isi bilik ti begunaka bantu di Kampung Jeriah ditu, kemari.
Program nyuaka pemeri tu dipenyadika Ketuai Pampang, Abdul Raafidin Majidi.
Rambau atur program nya, iya udah nyua sepenyampau 120 kepin papan lapis ngagai 20 isi bilik ba genturung pendiau nya.
Raafidin lebuhka dirandau madahka pemeri nya dikena mantu ngelempungka tating belanja nyeleti rumah peranak dia ti rusak.
“Pemeri tu ngayanka PKR Pampang Sibu chukup sinuka penusah rayat ngelingi sitak Bepilih Kunsil Nengeri (DUN) Nangka,” ku iya.
Iya nagit sepenyampau 300 isi bilik deka nerima pemeri papan lapis tu sebedau Hari Raya Aidilfitri ti deka datai.