Badu malut atur pengawa di menua enggau politik

Utusan Borneo (Sarawak) - - Berita Iban -

Komuniti Long Palai dekaka atur pengawa genturung pendiau sida dipejalaika peranak dia empu, enda ibuh dibalut politik tauka parti politik ti tau ngasuh sida pambar.

Chairman Pengatur Pengerami Makai Lemai Main Asal Kampung Long Palai ke mega Chairman Komiti Pemansang enggau Pengelikun Genturung Pendiau (JKKK), Lusat Tebengang Lalo madahka penatai bemacham parti politik ngagai genturung pendiau nya ngujungka peranak pambar nitihka parti enggau penemu.

“Di baruh pehai ketuai baru, kami deka mulaika baru sistem gawa autonomi genturung pendiau, ngatika diri ari balut penemu politik enggau politik ti bebagi.

“Kami mega deka ngetuka budaya bemainka politik sepanjai 24 jam sehari, 365 hari dalam setaun enggau lima taun dalam sepenggal sebedau pengawa bepilih besai udah tu,” ku iya lebuh bejaku ba Pengerami Makai Lemai Main Asal Kampung Long Palai ba sebuah hotel ditu, malam kemari.

Ku Lusat nambah, sida enggaika bida politik enggau penemu ngasuh Long Palai tinggal ari arus pemansang, nya kebuah beguna amat atur pengawa genturung pendiau patut ngelaungka politik.

“Kitai dekaka komuniti Long Palai fukus ba pemansang enggau ngemajuka genturung pendiau sereta ngeletak enggau ngiarka politik ungkup pemaik peranak ditu,” ku iya.

Iya minta gempung ukai dikuasa perintah (NGO) ngetu malut semua isu ngena politik lalu fukus ngagai pemansang ba sitak Long Palai.

Sama datai, Ketuai Raban Bansa Long Panai, Thomas Leo Lawing Lanyau, Chairman Baram Protection Action Committee Philip Jau Chairman Save Rivers, Peter Kallang enggau bala kaban Parti Keadilan Rakyat (PKR) Baram.

Urung 500 iku peranak data ngulu pengerami nya, tuju bukai dikena ngerapitka sintal kaul antara peranak buka kelimpah ngetanka tanda asa enggau main benyawa rayat.

Newspapers in Malay

Newspapers from Malaysia

© PressReader. All rights reserved.