KM dikeandal terus ngiring nengeri tu enggau manah

Utusan Borneo (Sarawak) - - Berita Iban - Dikarang Alvester Bigol

Kepala Menteri (KM), Datuk Patinggi Abang Johari Tun Openg dikeandal ulih terus ngiring nengeri tu enggau manah kelimpah ngemujur mayuh agi pemansang.

Presiden Parti Rakyat Sarawak (PRS), Tan Sri Datuk Amar Dr James Jemut Masing madah, KM dipeda chukup andal enggau sebarang pemutus ke digaga bekaul isu-isu nengeri enggau perintah besai.

“Penemu iya (Datuk Patinggi Abang Johari Tun Openg) sentang pemaik nengeri tu dipeda lebih nyata dibanding enggau pemaik perintah besai.

“Pengawa ‘merubat’ (mulaika hak) Sarawak entara pekara ke pemadu dikemerat diatu lalu Datuk Patinggi Abang Johari mih nyadi pengerandang kitai ba atur pengawa tu.

“Iya nyadi pengiring kitai ungkup keterubah iya merintah pengudah 55 taun. Begulai enggau iya, kami deka ngaga pemutus ke pemadu manah enggau nadai kachau ari orang luar,” ku iya seraya meransang peranak Sarawak awakka terus betunggang sukung ngagai KM.

Masing madah munyi nya lebuh dipinta meri timbal bekaul enggau genap dua taun Kepala Menteri Datuk Patinggi Abang Johari Tun Openg udah bejalaika pengawa ngiring Sarawak.

Sama meri timbal, Presiden Parti Sa’ati Rayat SarawaK (SUPP) Dr Sim Hui Kian madah Datuk Patinggi Abang Johari Tun Openg mujur nampung pengawa pemansang ke udah dirandang niang Tok Nan sekalika nya ba kandang mengeri tauka di menua pesisir.

“Iya (Datuk Patinggi Abang Johari Tun Openg) bejalaika Otonomi Sarawak nengah atur nepu 5 peratus Chukai Jual ngagai minyak enggau gis Sarawak ke dieksport.

“Tu betuju nambahka penatai pemisi nengeri tu dikena ngaga mayuh agi pemansang

DR SIM HUI KIAN

JAMES MASING

Newspapers in Malay

Newspapers from Malaysia

© PressReader. All rights reserved.