Pemansang Sarawak nyadi pekara dikemeratka GPS diatu

Utusan Borneo (Sarawak) - - Berita Iban -

Bala ketuai nengeri tu udah tuai runding lalu sida empu ulih berunding ngelanggur baka ni nampung pengawa ditegika Tok Nan ( ex- Kepala Menteri niang Pehin Sri Adenan Satem) ngetanka hak Sarawak ti lenyau.

Kepala Menteri Datuk Patinggi Abang Johari Tun Openg madahka pemerat pekara ditegika Gabungan Parti Sarawak ( GPS) diatu iya nya ngemansangka Sarawak ngambika rayat pupu bansa enggau pengarap ulih idup lantang enggau likun sereta nyungkak tikas idup sida.

“Tu kereja kitai, nya kebuah kitai meri tabi puji ngagai bala kaban dipebasa, raban indu ti ngelimpangka awak sida nyempulang pejalai GPS ari Lawas ngagai Limbang, udah nya ke Miri, Bintulu enggau selampung Bumi Kenyalang,” ku iya lebuh ngambat penatai raban Bejalai Ngemai Tambai GPS diketuaika Ketuai Nembiak GPS ti nyadi Kaban Kunsil Nengeri ( ADUN) Layar Gerald Rentap Jabu ba Balai Suarah Bintulu ensanus.

Chairman GPS nya meri tabi puji ngagai semua raban ti ransing negika pengawa ungkup Sarawak rambau Pejalai Ngemai Tambai GPS nya.

Presiden Parti Demokratik Progresif (PDP) ti nyadi Kaban Parlimen (MP) Bintulu Datuk Seri Tiong King Sing ngelaluka penatai raban nya seraya meri tabi puji ngagai sida.

“Pejalai tu chukup gah, kreatif enggau chakah ngemai kelala GPS ngagai rayat selampur Sarawak tang kitai mesti ngayan enggau meri sukung tegut pengawa ngintu nasit rayat,” ku iya.

Berebak enggau nya, Gerald madahka raban sida ngepunka pejalai ba Lawas, Limbang enggau Miri, urung 12 jam pengelama, nepan bas.

“Sehari tu (ensanus) gah agi laban bisi Kepala Menteri begulai enggau kitai. Tu chukup besai reti, kemari kitai mantaika lambang, lagu enggau pengawa ditegika kitai dalam GPS.

“Pekara pemadu beguna, kitai empat parti asal Sarawak gawa ngetanka Sarawak. Tu rintai mua ngagai empat parti begempung negika hak rayat

Sarawak.

“Beri sukung tegut ngagai kitai, nyadi anak biak Sarawak, endang patut kitai nerima manah, mendingka pengandal enggau juluk peranak Sarawak kelebih agi rebak biak ngetanka pengelantang, pengaya, pemansang, pengelikun enggau penyerakup ba Sarawak.

“Semua raban enggau ketuai pampang parti patut begempung, nyukut tegut sereta meri tabi puji ngagai raban veteran kitai ti ngetanka Sarawak ari pengeran sida empu, servis enggau semengat ngembing kitai meruan agi,” ku iya.

Ku iya, GPS nyadi raban ti komited gawaka servis pemadu manah, nyaga hak ti lenyau, ngemeratka Sarawak enggau ngemai mayuh agi pemansang ba nengeri tu.

“Bintulu ngembuan simpan gis pemadu besai lalu bisi Bakun ditu, nya alai jaga meh iya, anang dikachau orang bukai.

“Taja pia, kitai mesti bebendar gawa nempa GPS nyadi siti entiti ti nyaga pemerat rayat iya,” ku iya nerang.

Newspapers in Malay

Newspapers from Malaysia

© PressReader. All rights reserved.