Jampong ditemu lemi tulang pengudah dua hari lenyau ba kampung
Siku apai tuai dipelaba lenyau pengudah mindah ngiga daun babas ba Nanga Dap, Kanowit kenyau ari Hari Lima tu tadi ditemu idup pagi kemari.
Lelaki nya, Jampong Jawi, 70-an ditemu raban Ngiga enggau Nyelamat (SAR) lemi tulang ba kampung ti disereta raban bomba, polis enggau peranak rumah panjai.
Ketuai Opis Bomba enggau Penyah Penusah (BBP) Kanowit, Arrahman Chik madahka iya mujur ditemu raban SAR urung pukul 11.08 pagi.
Kenu ku iya, lelaki nya mindah kediri ngiga daun babas kena Hari Lima nyin tadi, tang nadai pulai ke rumah ngujungka sida sebilik irau.
“Raban bomba nerima kangau pasal penusah nya urung pukul 7.30 tadi lalu seraban pemesai begulai enggau raban ari BBP Kanowit dianjung ngagai endur penusah nyad bejalaika operasyen SAR.
“Iya ditemu lemi tulang tang nadai sebarang bakal lalu udah diserah ngagai raban polis ngambika dibai ngaga Sepital Kanowit,” ku iya.