Tiga program besai diatur SIDS Sibu ungkup 2019

Sarakup Indu Dayak Sarawak (SIDS) Sibu udah ngatur aum begulai enggau rintai exco tetinggi sida ditu, lemai kemari.

Aum nya diketuaika chairman iya, Angelyn Uchi Maseng sereta bela digulu dua penyanding penemu sida, Dato Ir Alice Jawan enggau Catherine Nain Abit.

Alice ti mega Presiden SIDS enggau Sekretari Besai Gerempung Bansa Dayak Sarawak ( SDNU) sereta Sekretari Mendam Opis

Menteri Bekal Ai enggau Elekterik Menua Pesisir.

Rambau aum nya, Uchi madah ngagai pengarang berita taun tu nyadi taun ti mar ngagai SIDS Sibu laban ngatur tiga program besai.

Kenu ku iya, tiga program besai nya iya nya Pekit Nenun Pua Kumbu Sarawak 2019, Pengerami Mantar Gawai Dayak Bagi Menua Sibu 2019 enggau Pengerami Makai Lemai Ngintu Genap Taun Ke-30 SIDS Sibu.

Ku iya, Aum Besai Nint- ing Taun (AGM) SIDS Sibu dipelaba deka diatur dalam bulan March bepalan ba Hotel Paramount.

“Nadai pengawa bepilih kaban komiti baru maya AGM tu ila laban penggal kitai ari taun 2018-2020.

“Aum tu semina mantai ripot wang, aktiviti enggau pekara bekaul,” ku iya nambah.

Aum keterubah SIDS tu dikena mungkal aktiviti sida ba taun baru lalu bela digulu bala ketuai sitak di baruh pegai SIDS Sibu.