Annuar: GPS ditumbuh dikena negika hak nengeri Sarawak
GPS ukai entiti ‘anti-perintah besai’ tang deka nyadi platform dikena nentuka pemaik ungkup nengeri Sarawak jemah ila
“
Kami ukai ‘anti-perintah besai’ tang kami deka nentuka pemaik peranak Sarawak ungkup jemah ila. GPS parti rayat, ari rayat ungkup rayat Sarawak. GPS
” ditumbuh dikena ngintu hak Sarawak.
SIBU: Gabungan Parti Sarawak (GPS) ukai entiti ‘anti-perintah besai’ tang deka nyadi platform dikena nentuka pemaik Sarawak jemah ila, pia ku Menteri Muda Pelajar enggau Pansik Teknologi Dr Annuar Rapaee.
Mandal presiden PBB nya madah, parti nengeri tu nadai ati deka belaya tauka bekerejasama enggau perintah besai di Semenanjung Malaysia.
“Kami ukai ‘anti-perintah besai’ tang kami deka nentuka pemaik peranak Sarawak ungkup jemah ila. GPS parti rayat, ari rayat ungkup rayat Sarawak. GPS ditumbuh dikena ngintu hak Sarawak.
“Sebedau tu, kami enggau Barisan Nasional ( BN) ari baruh siti gempung ba renggat perintah besai. Tang diatu, kami nadai agi enggau BN lalu semina peranak ti deka nentuka pemaik nengeri tu jemah ila.
“Sebedau tu, lebih 50 ngatika diri lalu pengudah lebih 50 taun Malaysia , datai ba maya kitai nentuka kuing diri lalu gaya Nengeri Sarawak jemah ila ba jari rayat Sarawak empu,”ku iya lebuh ke bejaku ba mua lebih 1,000 iku penyukung ari empat buah parti komponen nengeri tu ti ngarika GPS ba balai MUC ditu kena malam Hari Minggu
Dr Annuar Rapaee
Menteri Muda Pelajar enggau Pansik Teknologi
nyin tadi.
Sama bisi ngulu pengerami nya Sapit Presiden II SUPP Chieng Buong Toon, Ketuai Nembiak Michael Tiang enggau Seketari Politik Kepala Menteri, Romeo Christopher Tegong.
Dulu ari nya, Dr Annuar ke mega Menteri Muda Pengawa Berumah enggau Pengerai Mensia Mayuh, ngelaluka penatai kaban konvoi ti betuaika Kaban Kunsil Nengeri Layar Gerald Rentap Jabu, ke mega Ketuai Nembiak PBB Youth chief.
Dulu ari nya, konvoi nya udah ngetu ba Selangau.
Dr Annuar madah, pengawa numbuhka GPS nyadi sejarah laban“a nadai kala dalam sejarah politik di Sarawak bisi gempung ke kering sereta tuai runding ba peranak Sarawak ngetanka hak nengeri tu.”
Ku iya “Ungkup peranak Kelantan, sida deka tinggal ba pekara ke beguna ngagai nengeri Kelantan lalu baka nya mega Selangor, Johor, Pulau Pinang enggau ke bukai, seraya madahka kitai deka beserakup ngetanka pemaik menua Malaysia.
“Taja pia pengingin Sarawak enda tau diseliahka,” ku iya.
GPS ku iya, ke pemadu beguna semua pupu bansa rayat Sarawak amat meretika gempung tu.
“Kitai enda tau enda meretika pengaa maha ti dikereja enggau ati ke lurus tu sigi ke pemaik pengidup rayat Sarawak jemah ila lalu tu mih pesan ke pemadu besai reti ti deka dikenataika aku ngagai semua rayat Sarawak.”
Iya mega minta bala mayuh ke bisi datai nyaup nyadung pesan nya ukai semina ba diri sebilik aja tang ngagai semua rayat Sarawak ke alai logo GPS iya nya ‘Kenyalang’ deka dikena ba pengawa bepilih nengeri ke deka datai.
Nikena ngepunka nya ba kandang menua Nangka ku iya, komponen parti GPS baka PBB, Parti Rakyat Sarawak (PRS), SUPP enggau Parti Progresif Demokratik (PDP) Pampang Nangka deka mansang tetiap pintu rumah dalam sitak nya, nerangka pasal logo nya lalu sia m eset nyukung nya laban logo nya ng arika rayat Sarawak.
Menteri Muda Nembiak Lumba enggau Main Datuk Snowdan Lawan, ke mega Ketuai Nembiak PRS, mega sama bisi bejaku ba pengeram nya.
Berebak enggau nya, konvo GPS deka ngetu ba 19 iti endur berengkah ari Lawas, Limbang, Miri, Bintulu, Mukah Selangau, Sibu, Kapit, Sarikei Betong, Sri Aman, Bala Ringin, Serian, Siburan, Bau Lundu, Batu Kawah, Sadong Jaya enggau Samarahan.
Pengawa ngelengkaka pejalai konvoi GPS ke serata nengeri tu udah diatur di Lawas apin lama udah.
Sida deka sangkai Kuching kena 19 Januari lalu pengeram besai deka diatur ba Stadium Sarawak.