Kemeratka pekara parti ngelui ari semua: Penguang

Sida ti dipadu mangku beberapa pengawa besai dalam parti dilalau ngengkahka pemerat parti dulu agi

Utusan Borneo (Sarawak) - - Berita Iban -

BINTULU: Sida ti dipadu mangku beberapa pangku pengawa besai rambau Aum Besai Tiga Taun Sekali (TGM) Parti Demokratik Progresif (PDP) di Bintulu kena Hari Enam tu tadi dikingat ngengkahka pemerat parti dulu agi.

“Rambau TGA, kitai udah nyiri beberapa pangku pengawa besai, nuju sapit presiden, sekretari besai enggau bala kaban kaunsil supreme, meri tabi puji.

“Taja pia, anang kelalu terunda, laban pangku pengawa tu disempulang enggau tanggungpengawa sereta pangku pengawa berat, anang semina dekaka pangku pengawa aja dalam parti tang enda ngereja pengawa,” ku Chairman Komiti Pengatur TGA, Datu Dr Penguang Manggil madah lebuh bejaku ba pengerami makai lemai presiden kena Hari Enam.

Menteri Muda Kaunsil Kandang Menua mega ngapil ngagai bala kaban kaunsil supreme ti dipadu gawa ngambika nyaup bala pengari rayat (YB) gawaka rayat.

“Anang ngelakka bala YB aja ngereja pengawa, pejalaika bagi pengawa kita, kereja pangku pengawa kita sereta pia mega bala kaban parti besaup gawa ngambika PDP ulih dipebasa bala bukai,” ku iya bejaku ba mua lebih 1,000 diligit ti datai ba pengerami makai lemai nya.

Penguang ti mega mandal presiden parti pechaya TGA udah disempekat nitihka pematut ari pengawa nyirika bala ketuai parti nyengkaum

Taja pia, anang kelalu terunda, laban pangku pengawa tu disempulang enggau tanggungpengawa sereta pangku pengawa berat, anang semina dekaka pangku pengawa aja dalam parti tang

” enda ngereja pengawa.

Datu Dr Penguang Manggil Menteri Muda Kaunsil Kandang Menua

bala ketuai renggat baruh.

Ku iya, TGA iya nya pelasar beguna amat ba sebarang gempung, tu forum ungkup bala kaban parti mantai enggau ngemai isu ba renggat baruh ngambika dikerandau, dipejurai enggau diputus ungkup pemaik parti dudi hari.

Taja pia, iya ngingatka enti sida silap, ari silap pilih enggau salah pengawa, ukai semina sida aja tang parti sida mega deka balat kena pangka.

“Penyerakup nyadika tiang pemun ngagai sebarang gempung nyadi parti ti kering, kitai mesti begempung,” ku iya nambah.

Kenu ku iya, iya udah berandau enggau Presiden Parti, Datuk Seri Tiong King Sing sentang kuing parti dalam Gabungan Parti Sarawak (GPS), taja PDP semina parti mit dalam gempung baru nya, tang Penguang pechayaka GPS nyadi pelasar pemadu manah ngagai PDP ngambi pulai penuduk asal sida ti dipenggi parti nya.

“Ba pekara tu, aku deka ngapil, kitai mesti ngena kaul ti manah ngaul mensia mayuh, anang tampak mantah pekara ti dikedekaka kitai. Kereja aja pengawa kitai, kereja aja memanah, udah nya kitai ulih minta nama ti patut diempu kitai,” ku iya ngelalau.

Baka ti disebut presiden parti rambau TGA pasal rampa politik enggau pemar, ku Penguang, politik diatu bebida ari 20 enggau 30 taun ke udah.

“Politik kemaya hari chukup mayuh kelikuh laban kitai gawa enggau sida ti bisi pelajar, ti deka mantaika peminta sida.

“Ukai pekara ti dikedeka kitai ke amat tang pekara ti dikedekaka rayat, pengering kitai belalauka bala kaban parti enggau penyampau tubuh kitai ba renggat baruh,” ku iya seraya nambah, PDP deka berejasama enggau parti komponen dalam GPS gawa negika hak enggau pemerat nengeri.

DR PENGUANG

Newspapers in Malay

Newspapers from Malaysia

© PressReader. All rights reserved.