Penumbuh GPS kelai pemujur dalam sejarah politik nengeri

Gempung nya entiti baru ti ngemendarka peranak Sarawak ngaga pemutus lalu ngenerangka pengidup sida jemah ila

Utusan Borneo (Sarawak) - - Berita Iban -

SIBU: Pengawa numbuhka Gabungan Parti Sarawak (GPS) kelai pemujur dalam pemansang politik nengeri, pia ku Dr Annuar Rapaee, ti madahka gempung nya entiti baru ti ngemendarka peranak Sarawak ngaga pemutus ke pengidup sida jemah ila.

Menteri Muda Pelajar enggau Pansik Teknologi nya mega madahka GPS nyadi lampu ngenerangka pengidup peranak Sarawak, ngarika pupu bansa di nengeri tu lalu ukai ari baruh payung perintah besai.

“GPS amat bebida ari BN laban kitai ukai ari baruh payung perintah besai. Nya alai, kitai mudah agi ngangkatka sada anak Sarawak.

“Nya alai, pengawa numbuhka GPS tu beguna amat lalu nyadi kelai dalam sejarah politik Sarawak pengudah ngatika diri enggau Pengawa Bepilih Besai kena 9 Mei suba.

“Diatu kitai di Sarawak tau n gaga entiti baru ba pupu raban bansa di nengeri tu ke tulin peranak Sarawak, nya

GPS amat bebida ari BN laban kitai ukai ari baruh payung perintah besai. Nya alai, kitai mudah agi ngangkatka sada anak

Sarawak.

Dr Annuar Rapaee

Menteri Muda Pelajar enggau Pansik Teknologi

mih kitai ulih ngaga pemutus ke pengidup kitai jemah ila. GPS mih penerang ngagai semua rayat Sarawak,enda ngira bansa,” ku iya m adah ngagai The Borneo Post kemari lebuh ditanya penemu pasal GPS.

Berebak enggau nya, Mandal Presiden Parti Pesaka Bumiputera Bersatu (PBB) nya meransang rebak biak peranak Sarawak sama mansang ke mua dikena nentuka pemujur GPS.

Ku iya: “Peneka anak Sarawak ngiring Sarawak ukai reti kitai begedika perintah besai tauka Malaya tang tetiap nengeri di Malaysia endang deka meri pemerat ngagai nengeri lalu nya mih semengat ke bendar dalam federasyen.

“Nya alai, anak Sarawak deka nentuka Malaysia majak berakup ukai semina ba nengeri aja tang mega ba semua pupu b ansa enggau jalai pengarap.”

Dr Annuar, ke mega Menteri Muda Pengawa Berumah enggau Pengerai Mensia Mayuh, minta kaunsil ketuai GPS muka pintu ngagai tetiap iku peranak Sarawak ke bisi ati nyereta parti nya kelebih agi rebak biak.

Ku iya, nengah pemisi ny adi kaban terus lalu pengudah beberapa taun ke udah, sida tau milih nyereta barang bagi parti komponen GPS.

“GPS patut nerima Gerempung Ukai Dikuasa Perintah (NGO) ti ngembuan sebaka ju- luk deka ngeletakka Sarawak dulu nyadi kaban,” ku iya.

GPS ditumbuh dalam bulan Jun taun siti nyin tadi t diarika parti baka PBB, PRS Parti Sa’ati Rakyat Sarawak (SUPP) enggau Parti Progresif Demokratik (PDP).

Parti nya kala ari baruh BN tang pansut ari gempung nya pengudah PRU14 ti diatur kena 9 Mei taun nyin tadi.

DR ANNUAR

Newspapers in Malay

Newspapers from Malaysia

© PressReader. All rights reserved.