Opis ke bekaul patut ngembuan kaul ke manah

Utusan Borneo (Sarawak) - - Berita Iban -

Kerejasama ti manah entara opis ke bekaul beguna amat dikena nentuka bantu ke patut ulih dikenatai enggau manah ngagai komuniti.

Menteri Muda Dagang Temuai, Seni enggau Main Asal Datuk Lee Kim Shin nujuka pekara tu ngagai Opis Pengelantang Pendiau Miri (JKM) ti seruran meri bantu sereta bejejaga ke isu pengelantang pendiau mensia mayuh di Miri, ke alai ku iya berat agi nanggung pekara nya.

“Asal aja bisi penusah angus, orang ke tasah nya deka nerima bantu ke patut ari JKM lebuh ti ngenataika kes nya ngagai sida. Tu mandangka sida siru. Ukai semina JKM, tang opis bukai ke bisi kaul eng- gau JKM nengah chara terus tauka enda.

“Aku gaga amat ati meda bantu ke jampat sereta berega sereta kerejasama ti ditempa entara sida,” ku Lee lebuh nejaku ba Pengerami Makai Lemai Meri Pengaga Ati ke diatur kena malam Hari Minggu nyin tadi.

Pengerami Makai Lemai Meri Pengaga Ati nya mega diatur Lee ke lalu nyadi pengerami makai lemai pengagai ati ngagai sapit direktor Opis Pengintu Pengelantang Pendiau Bagi Menua Miri, Sharifah Ranimah Wan Hashim enggau direktor Kolej Komuniti Miri Fadil Aziz ke sama bela dipindah ngagai Kuching enda lama agi.

Lee ke mega chairman penyanding penemu Kolej Komuniti Miri beratika mayuh agi aktiviti patut diatur Kolej Komuniti nya ke pemaik mensia mayuh.

“Ba timpuh iya gaya ti nyauka manggai tiga taun, Fadil udah ngatuh mayuh kus timpuh pandak dikena matak bala pesereta kelebih ari ari raban ke bepenatai pemisi mit, ti deka ngubah idup sida. Kus tu amat bisi mai ubah ba pengidup sida lalu pengaa nya patut di pejalaika belama,” ku iya.

Pengerami makai emai nya bela bisi digulu bala staf Opis Pengintu Pengelantang Pendiau enggau Kolej Komuniti Miri.

TERIMA KASIH: Lee (kanan) nyuaka tepa ngagai Sharifah Ranimah (gambar kiba) enggau Fadil Aziz maya pengerami makai lemai nya.

Newspapers in Malay

Newspapers from Malaysia

© PressReader. All rights reserved.