Executive College nyendiaka Inovasyen ba Pelajar enggau Bayar Belajar ti mudah

Utusan Borneo (Sarawak) - - Berita Iban -

Kelia menya bup teks siti utai ti patut dibai enti deka tama ke bilik kelas tauka masuk bilik kuliah tang teknologi ti bisi kemaya ari tu udah ngubah cara belajar bala nembiak sekula lebih agi bala nembiak sekula tinggi.

Executive College siti kolej ti meri inovasyen ba dalam atur belajar nembiak.

Kolej tu meri semua bala nembiak sida iPad nadai bebayar lalu ngena teknologi iPad tu nyadi ke bup.

Semua bala nembiak semina bebai ke iPad ke kolej sereta enda ibuh tetusah ngemai bup ti berat.

Excutive College udah ditumbuh ba taun 1988 di Kuching ba ringkat dua, Crown Square.

Fasiliti ti disediakan kolej tu chukup manah enggau chukup moden lalu nyendiaka bala pelajar enggau teknologi Apple baka iPad, Apple Tv enggau ‘ interactive touch screen TVs’ ba dalam proses belajar.

Fasiliti ti udah disediaka tu meri bala nembiak ti liat agi maya belajar seriris enggau juluk kolej taun tu ‘Building Future Through Innovative Education’.

Bala pengajar tauka bala pengelicha mayuh peneleba kelimpah tinggi pelajar meri kerejasama penuh ngam- bika semua bala nembiak ba Executive College tu bulih pelajar betikas tinggi sereta chukup pengelandik dikena sida nyikap diri napi dunya bekereja ke bendar.

Semua kus ti disediaka Executive College tu bulih kriditasyen ari Malaysia Qualified Agency (MQA) enggau Opis Menteri Pelajar Malaysia (KPM).

Kolej tu nyendiaka kus baka Asasi Sastera, Diploma Ukur Bahan, Diploma Pentabiran Perniagaan enggau dua bansa Ijazah Sarjana Muda ba Penta- biran Perniagaan (Kepujian) enggau Ijazah Sarjana Muda ba Teknologi Pengurusan Pembinaan (Kepujian).

Nengah program sida ti ‘100% Priority Job’ begulai enggau kompeni KTS, bala nembiak ti udah konvo ari Executive College dijamin diambi gawa ba siti ari kompeni dalam KTS.

Bala nembiak ti udah konvo tu deka dikemeratka gawa dulu enti sida bulih pemutus nitihka atur ke udah diberi.

Executive College tu nyediaka fasiliti ti chukup manah enggau kokurikulum pelajar diberi enggau penuh kualit enggau bayar ti chukup mudah.

Program Ijazah Sarjana Muda ti disediaka bisi kerejasama enggau Infrastructure University Kuala Lumpur (IUKL).

Scholarship tauka bantu mata duit mega diberi ngaga bala nembiak sekula renggat SPM ti nyulut ba kokurikulum belajar tauka nembiak ti nyad pengawas tauka landik ba pengawa lumba enggau main.

Kolej tu mega meri bantu ngagai bala nembiak patu balu, apai indai ti OKU, apa indai ti sakit raya enggau nembiak ti datai ari ruang bilik bepenatai pemisi kurang ar RM2,000 sebulan.

Kelimpah ari bantu nya nembiak mega tau nyali ar perintah baka ari Opis Wang Turu Pelajar Tinggi Nasiona (PTPTN) tauka mayar bayar belajar sida ngena akaun 2 Gerempung Wang Turu Pengereja Pengawa (EPF).

Anang masau awak diri lalu rejister anak kitai ti udah abis SPM tama bulan April tauka September 2019.

Penerang silik tau dipeda nengah www. ecollege. edu my tauka facebook sida “Executive College” tauka kita tau betanya nuju lumur 082345680.

Newspapers in Malay

Newspapers from Malaysia

© PressReader. All rights reserved.