Sebilik enggau Barisan Nasional siti penyilap besai: Len
Belajar ari peneleba nya ketuai nengeri berubah nyeraraka diri ari parti Semenanjung Malaysia lalu numbuhka GPS
SARIKEI: Gabungan Parti Sarawak (GPS) ke pemadu manah dikena ngintu pekara dikemerat enggau hak rayat Sarawak, laban ditumbuh pengudah 55 taun ngasaika peneleba ti enda ngelantangka gawa ari baruh parti di Semenanjung Malaysia.
Menteri Muda Nembiak Lumba enggau Main, ku Snowdan Lawan bejaku ngarika kontinjen ‘Flag Rally’ lebuh ke meri jaku pemuka seraya madahka pengawa numbuhka GPS nyendiaka peluang ngagai peranak Sarawak ngiring nengeri nitihka chara diri empu.
Ngelama tu, kitai udah disemaya deka disemaka ari sukut diberi pemansang enggau asil nitihka sempekat Malaysia A1963, taja pia kitai ukai dipebasa tang ketuai ba renggat perintah besai ngambi sekeda hak nyengkaum autonomi kitai, ku iya.
Sebedau tu, ubah ba perintah besai berindik ari BN ti alah ba pengawa bepilih besai ke sebedau tu, udah meri peluang ngagai kitai nyeraraka diri ari menua Semenanjung Malaysia ari nguasa kitai numbuhka GPS, ku iya.
Bala ketuai GPS leaders ngena awak nya ngagai nembiak redak besemaya tauka merambu projek ke pemaik semua Sarawak, ku iya seraya
“
Sebedau Pengaa Bepilih Besai, ketuai DAP madah, nyema PH menang, Sarawak deka bulih syer belanja pemansang 30% enggau 20 % royalti minyak enggau gis. Tang pengudah sida menang lalu nyiri bala menteri, Sarawak semina bulih 7% belanja pemansang sereta mengkang nerima 5
” peratus royalti minya enggau gis.
Datu Len Talif Salleh
Menteri Muda Perambu Menua Pesisir, Pengatur Tanah enggau Rampa Menua
madahka sida deka ngiru konsep gawaka rayat tauka ngatur program nyadi siti tim ukai bepelasarka komponen parti.
Menteri Muda Perambu Menua Pesisir, Pengatur Tanah enggau Rampa Menua, Datu Len Talif Salleh lebuh ke bejaku madahka peneleba 55 taun gawa enggau parti ari Semenanjung Malaysia ari baruh Barisan Nasional (BN) siti pengilap besai laban mayuh semaya enda dikeamatka.
Lebuh ketuai GPS udah belajar ari peneba sida sereta ngaga ubah pansut ari BN lalu numbuhka GPS, ke alai bala ketuai Sarawak bukai patut nitihka singkang sida ari ti nandu pengilap ke sama nyemilik siti ari parti ari Se- menanjung, iya nya gempung Pakantan Harapan (PH), ku iya.
“Sebedau Pengaa Bepilih Besai, ketuai DAP madah, nyema PH menang, Sarawak deka bulih syer belanja pemansang 30% enggau 20 % royalti minyak enggau gis. Tang pengudah sida menang lalu nyiri bala menteri, Sarawak semina bulih 7% belanja pemansang sereta mengkang nerima 5 peratus royalti minya enggau gis,” ku iya.
Menteri Sarawak be perintah besai mega bisi madahka nginsil sekeda projek ti dikemendarka ari baruh perintah ke sebedau tu, lalu ukai mantu ngulihka mayuh agi belanja baka ke udah disemaya, ku iya.
Menteri Muda Pekara Korperat, Abdullah Saidol madahka GPS deka ke Sarawak dipebasa laban ke nyadi siku ari bisi ti nyain Sempekat Malaysia 1963 ti ngujungka Malaysia ditumbuh.
Kelimpah ari nya, GPS deka beratka pengawa ngintu penyerakup ba pupu bansa enggau jalai pengarap.
Kaban Kunsil Nengeri Jemoreng, Dr. Juanda Jaya kelimpah ari mayuh chura, pemutus milih burung Ken yalang nyadi logo GPS endang engkeman amat sereta manah dipeda kelimpah nyadi bansa jelu ke dijaga.
Iya dulu ari nya meransang rayat Sarawak kemerah enggau GPS sebaka enggau chara sida nyaga burung Kenyalang.
Bala pengari bukai ari komponen parti GPS ti diarika Parti Pesaka Bumiputera Bersatu (PBB), Parti Progresif Demokratik ( PDP); Parti Rakyat Sarawak (PRS) enggau Sarawak United People’s Party (SUPP) sama begintir nerang enggau silik kebuah numbuhka GPS, enggau juluk GPS maya ke begempuru ba beserimbai enggau ‘ Flag Rally, serata Sarawak ti diatur ba Palan Sivik ditu kemari.
Bisi datai ADUN Repok, Dato Sri Huang Tiong Sii; ADUN Meluan, Rolland Duat ke mega bisi bejaku dalam Jaku Iban, MP Tanjung Manis, Yusuf Abd Wahab ke bejaku dalam Jaku Melanau enggau ADUN Meradong, Ding Kuong Hiing ke bejaku dalam Jaku Mandarin.
Enda tinggal bisi dia mega ADUN Layar, Gerald Rentap Jabu, ADUN Serembu, Miro Simuh enggau ADUN Machan, Allan Siden Gramong.