Utusan Borneo (Sarawak)

Tiga juluk besai numbuhka KEBUMA ungkup raban Orang Ulu

-

Pengawa ngelanchar­ka Kelab Nembiak Kampung Uma Akeh (KEBUMA) deka diatur kena 30 Mac, urung pukul 6.30 lemai ba Hotel Grand Palace Miri.

Chairman KEBUMA, Spanski Steven madahka pengawa ngelanchar nya ngemai reti chukup besai laban tu keterubah diatur ungkup kampung Uma Akeh.

Ku iya, program nya mega nyadi siti pelasar ngempu peranak Uma Akeh selampur Sarawak laban program baka tu nadai kala diatur sebedau tu.

Iya madahka KEBUMA nempa turai sida empu pengudah nyadi kelab nembiak sitak Telang Usan ti keterubah direjista di baruh Register Of Youth Malaysia.

“Batang tuju dikena ngerapitka kaul peranak Uma Akeh, mantaika budaya Orang Ulu enggau ngenegapka raban nembiak Uma Akeh enggau Baram,” ku iya.

Tikit ngulu pengerami makai lemai tau dibeli enggau rega RM500 semija tauka RM50 siku.

Pengawa deka dipenyadik­a Kaban Kunsil Nengeri (ADUN) Telang Usan Dennis Ngau.

Penerang silik pasal tikit tau telefun nuju Jessica Joseph ba lumur 014-3932814 tauka Jessica Sapok (011-36542069).

Newspapers in Malay

Newspapers from Malaysia