Suntuk perengkaguna di Mbuk Ayung enggau Sting enda patut dibalut politik
Peranak Mbuk Ayung, Sting patut pindah ngagai BRS ti udah disikap ngena perengkaguna
KUCHING: Gempung ukai dikuasa perintah ( NGO) enggau parti politik bukai diansak anang malut penanggul suntuk perengkaguna ba Kampung Mbuk Ayung enggau Kampung Sting di Ulu Padawan ngena politik.
Menteri Muda Perengka Pengangkut Datuk Dr Jerip Susil madah, bisi sekeda NGO ngatur pejalai ngelawa kededua genturung pendiau nya lalu naburka mayuh penerang negetif ti enda patut, nyengkaum madahka genturung pendiau nya nadai ngembuan perengkaguna baka jalai alun, bekal kuasa karan enggau bekal ai.
Iya nyemetak madahka genturung pendiau nya enda patut bisi dia laban udah dipindah ngagai skim pengentap pendiau baru enggau nadai bebayar ari perintah nengeri ti
“
Sida ti diau ba Kampung Mbuk Ayung enggau Kampung Sting, nitihka pematut pindah ngagai skim pengentap pendiau baru lalu ngambi hak sida, rumah enggau tanah tiga ikar pemesai ti diberi Perintah Sarawak ba Skim Pengentap Pendiau Baru
”
Bengoh (BRS).
ngembuan perengkaguna.
“Sida ti diau ba Kampung Mbuk Ayung enggau Kampung Sting, nitihka pematut pindah ngagai skim pengentap pendiau baru lalu ngambi hak sida, rumah enggau tanah tiga ikar pemesai ti diberi Perintah Sarawak ba Skim Pengentap Pendiau Baru Bengoh (BRS).
“Rumah tu digaga ungkup sida, udah bisi endur sida diau. Rumah tu enti diteju enda dijaga enggau enda diintu meruan ngujungka rusak enggau ke bukai,” ku iya rambau aum pengarang berita ba Balai Komoniti Kampung Rejoi, BRS ditu, ensanus.
Pia mega ku Dr Jerip, peranak ti dikaul ba skim pengentap pendiau baru nya mega diberi elawin pindah sepenyampau RM8,000 tetiap isi bilik enti sida deka pindah ngagai BRS.
Ku Kaban Kunsil Nengeri ( ADUN) Mambong nya nambah, pekara tu enda patut dibalut ngena politik lalu manah agi raban NGO enggau parti politik bukai kelebih agi Parti Keadilan Rakyat (PKR) enggau Parti Tindakan Demokratik (DAP) bekerejasama enggau perintah nengeri meransang peranak ba kededua genturung pendiau nya mindah ngagai BRS.
Berebak enggau nya ku iya, pengentap pendiau baru BRS nya ulih meri pemaik ngagai peranak dalam timpuh panjai sereta mega nentuka pemansut ai ba Tekat Ai Bengoh enda dikeruga ari sukut kualiti enggau kuantiti.
Ku iya, Tekat Ai Bengoh beguna amat laban meri bekal ai mata ngagai selampur Kuching lalu nya kebuah tekat ai tu mesti dijaga enggau manah nentuka tikas ai enggau kualiti ulih ditan.
Kampung Mbuk Ayung ditumbuh beberapa tubuh peranak ari Kampung Taba Sait seraya Kampung Sting ditumbuh peranak ari Kampung Rejoi enggau Kampung Pain Bojong.
Kampung Semban, Kampung Rejoi, Kampung Pain Bojong enggau Kampung Taba Sait iya nya empat genturung pendiau ti kena pangka pengawa ngaga Tekat Ai Bengoh.
Sepenyampau 150 isi bilik ari empat genturung pendiau nya udah pindah ngagai BRS seraya 47 ke bukai mindah ngagai menua ti dikumbai Mbuk Ayung enggau Sting.
Datuk Dr Jerip Susil
Menteri Muda Perengka Pengangkut