55 anak mit baru ada deka nerima insentif RM1,000 EF 2019
Sepenyampau 55 anak mit Sarawak ti baru ada kena 1 ngagai 7 Januari 2019 deka nerima Wang Turu Endowmen ( EF) sepenyampau RM1,000 siku ari Perintah Sarawak.
Pengawa nyuaka EF ngagai semua 55 anak mit begulai enggau apai indai sida nyadika kelai ngelancharka belanja nya ti nyadi inisiatif Perintah Sarawak.
Pengawa ngelanchar enggau nyauka EF tu deka diatur kena 16 Januari tu bepalan ba sebuah hotel tebilang ditu.
Pengawa dipelaba deka digulu Kepala Menteri enggau bini iya, Datin Patinggi Datuk Amar Juma’ani Tuanku Bujang.
Agih belanja tu dikemendarka Kepala Menteri Datuk Patinggi Abang Johari Tun Openg ba pengawa mantaika Bajet 2019 rambau Aum Kunsil Nengeri ( DUN), 5 November 2018.
Di baruh agih belanja tu Perintah Sarawak deka mer insentif RM1,000 ngaga genap iku anak mit Sarawak baru ada berengkah ari 1 Januari taun tu.
Insentif tu semina dikemendar dikeluar maya umur anak mit nya manggai 18 taun, dikena sida nampung pelajar tauka nyadi puku mit ngepunka dagang.