Kelas ngajat DAM dibuka ngagai mensia mayuh diatu

Gerempung Dayak Miri (DAM) ngelaluka mensia mayuh masuk Kelas Ngajat Dance 2019.

Chairmanperson pengatur Selaka madahka kelas ngajat nya deka dipejalaika nengah kerejasama enggau Institut Latih Industri (ILP) Miri.

“Kelas nya dipejalaika pengelama dua bulan ke deka berengkah kena 11 Februari nyentuk 4 April taun tu.

“Kelas nya deka dipejalaika ninting hari Dua enggau Empat berengkah pukul 7 nyentuk 9 malam,” sku iya madah ngagai Borneo Post ensanus.

Ku iya, keterubah kelas ngajat nya diajar gerempung nya ngagai raban lelaki enggau indu pun taun 1990an.

“Maya nya, kelas ngajat dipejalaika ba premis begunan germpung nya.

“Taja pia maya nya, kelas ngajat enda dipejalaika gerempung nya ninting taun.

Udah nya ku iya, gerempung nya berengkah ngatur kelas ngajat ninting taun berengkah ari taun 2008 ti disempulang enggau meri setipikit ngagai pesereta.

Laban bisi mayuh orang deka masuk kelas nya, gerempung ngaga pemutus ngatur kelas nya di balai Intrim ILP Miri ti muat endur mayuh agi bala pesereta.

Ku iya, bayar kelas belajar ngajat bebida ngagai dua bengkah kategori.

“Kategori keterubah ungkup nembiak mit ke beumur 7 nyentuk 12 taun dipinta mayar RM25 siku.

“Lalu ungkup ke ukai nyadi kaban DAM sereta beumur 13 taun ke atas dipinta mayar RM50 siku.

Sesapa ke bisi ati tau ngambi pom ari gerempung nya tauka di ILP Miri.

Penerang silik pasal kelas ngajat nya tau ditanya ngagai Jacqueline ba lumur 0168786205 tauka Kitty Janggot ba umur 085-435467.