Main bol: Tim Merpati Putih Sri Aman ngalahka Tim Medical Kuching 4-2
Tim Merpati Putih, Sri Aman bisi ngatur Pekit Main Bol Bebakih enggau Tim Medical, Kuching ba Stadium Kompleks Sukan Bagi Menua Sri Aman ditu lemai ensana.
Menijar Tim Merpati Putih, Sri Aman, Hazlin Hasan madah, tuju pekit nya diatur dikena nanggam agi kaul entara kededua tim tu.
Ku iya, tu keterubah Tim Medical Kuching datai ke Sri Aman lalu nyatup enggau Tim Merpati Putih.
Ba main nya, Tim Merpati Putih, Sri Aman mujur ngalahka Tim Medical Kuching enggau poin 4- 2.
Hazlin madah, nengah pekit nya, kededua tim bela mai urung enam iku pemain veteran ngarika tim diri empu.
Bela ngambi bagi ba main tu, Jurulatih Tim Merpati Putih, Sulaiman Idi, Pemantu Pengerai Merpati Putih, Abdul Rahim sereta Kapten Tim Medical Kuching, Abang Erman Abang Ali Basah.