86 unit rumah IBS di Kemuyang disadang tembu taun 2020
Ari 86 unit, 58 buah rumah diungkup ruang bilik ditinggang penusah agi di Kampung Datu Lama/Kampung Hilir suba
SIBU: Ari 110 unit rumah ulih dibeli, 86 unit ba renggat keterubah Projek Pemansang Kemuyang ditu dipelabaka deka tembu ba taun 2020.
Menteri Muda Pengawa Berumah Dr Annuar Rapa’ee madah, projek ke digaga Perbadanan Pembangunan Perumahan (HDC) nya bekenaka teknologi Sistem Binaan Berindustri (IBS).
Ku iya, ari penyampau 86 unit, 58 buah rumah diungkupka ngagai ruang bilik ti ditinggang penusah agi di Kampung Datu Lama/Kampung Hilir suba.
“Semua 110 unit tu iya nya
“
Semua 110 unit tu iya nya ‘single storey detached’ ke digaga ngena teknologi IBS lalu sebuah rumah ulih ditembu dalam
” kandang 21 hari.
‘single storey detached’ ke digaga ngena teknologi IBS lalu sebuah rumah ulih ditembu dalam kandang 21 hari.
“Rumah tu deka digaga ba dua blok iya nya blok 12 enggau 13. Kededua projek udah berengkah alai blok 12 bisi 110 unit ke digaga HDC lalu 76 unit agi digaga di blok 13 ti ditembuka Land Consolidation and Development Authority (LCDA),” pia ku iya madah.
Iya mantaika pekara tu maya aum media sepengudah ngabas rumah chunto ba taba projek nya, kemari.
Sama bela datai maya tu iya nya Ketuai Pemesai Ekesekutif HDC Sarawak Mohamad Asman Ahmad enggau Direkter Besai Pelita Holding Sdn Bhd.
Annuar mega madah, taja renggat keterubah skim rumah ulih dibeli nya diungkupka ngagai ruang bilik sida ke napi penusah angus Kampung Datu Lama/Kampung Hilir, tang semua projek nya digaga diungkupka ruang bilik ari Kampung Datu, Kampung Hilir, Kampung Nangka enggau Kampung Bandong.
“Kebukai ari 110 unit nya.. aku enggai madah naka ke diatu tang endang diungkupka pengawa ngemansangka baru Kampung Datu Lama baka dipadah Kepala Menteri (Datuk Patinggi Abang Johari Tun Openg), “ku iya nerang.
Iya mega madahka tanah ba Kemuyang enggau pemesai 300 ekar ulih digagaka 813 lot.
Ba pekara bekaul, maya aum media di Miri hari Satu beserimbai enggau pengawa bejadi siti bup ti ngundan 65 inisiatif kenyau ke udah megai pengawa Kepala Menteri, Abang Johari madahka perintah Sarawak merambu deka ngaga 2,500 buah rumah ulih dibeli ti berega antara RM90,000 enggau RM150,000 di Kuching, Sibu, Bintulu enggau Miri.
Nambahka jaku iya baru, ku Dr Annuar, ba penusah angus ke nyadi kena 20 Jun 2013 sepenyampau 61 buah rumah enggi 143 ruang bilik lengis maya nya.
Naka ke diatu, perintah nengeri udah ngaga 36 buah rumah ungkup sida ke napi penusah angus ti nyadi di Kampung Datu Baru tu.
“Kelimpah ari nya, ari 39 unit rumah ba skim Program Rumah Rayat Seranta (PPRT), 15 buah udah tembu lalu 15 agi deka tembu kelimpah semilan buah agi deka digaga berengkah bulan deka datai.
“Nya alai, penyampau ru- mah ari 36 unit (di Kampung Datu Baru), 39 PPRT enggau 58 unit di Kemuyang iya nya 133 unit enti dibida enggau rumah ke angus sebedau tu iya nya 61 lot.
“Ketegal nya, kitai melabaka nadai penanggul agi laban kami udah nyediaka rumah ngagai sida ke napi penusah angus suba,” ku iya madah.
Nitihka Dr Annuar, rumah PPRT diberi enda bebayar lalu rumah ba Kampung Datu Baru (36 unit) bisi subsid ari perintah nengeri laban mesti mayar ungkus dikena ngaga pemansang infrastruktur lalu pia mega 58 unit d Kemuyang.
Dr Annuar Rapa’ee
Menteri Muda Pengawa Berumah