Bepilih raban baru Penggal 2019/2021 SDNU Pakan nyerumba AGM 25 Januari

Gerempung Dayak Sarawak (SDNU) Pampang Pakan deka ngatur aum besai ninting taun (AGM) kena 25 Januari ti deka datai.

Chairman sida, Walter Ahap nengah penerang media madahka aum nya diatur ba Balai Mensia Mayuh Pakan berengkah pukul 9 pagi.

Berindik ari nya, iya minta semua raban SDNU Pampang Pakan ulih ngenataika diri ngagai AGM renggat keempat nya ila.

“Kelimpah nerima ripot ari Sekretari enggau Tukang Wang, aum serak tu mega diatur dikena milih baru raban gerempung renggat taun 2019 nyentuk 2021,” pia ku Walter.

SDNU Pampang Pakan ke diatu bisi urung 310 iku raban.