Peranak Sarawak meseti beserakup taja bisi bida dalam penemu politik
Ngambika juluk dikena ngetanka hak nengeri tu ke udah disetuju dalam MA63 ulih dijapai: Abang Johari
KUCHING: Runding ‘Sarawak First’ ti dikemeran peranak nengeri tu anang sekali lunggar tajapan bisi bida ba pekara politik sereta sekeda raban ti ngenah Sarawak baka ‘anak tiri’.
Kepala Menteri Datuk Patinggi Abang Johari Tun Openg madah peranak Sarawak meseti begempung ngulihka hak ke udah disetuju ba Sempekat Malaysia 1963 (MA63) enggau Konstitusyen Federal.
“Tu ukai jalai ke mudah ungkup kitai lalu ketegal nya kitai meseti seperau ngulihka hak tu,” ku iya ba jaku lalau nyerumba Pengerami Taun Baru Cina 2019 ke deka diintu ila.
Iya nambah, ba pengeran Sarawak ngerembaika ekonomi sereta nyendia perengka guna diatu, pengawa ngulihka hak ke sigi ungkup Sarawak seruran dikemerat.
Ku iya, nya meh pekara ti
“
Tu ukai jalai ke mudah ungkup kitai lalu ketegal nya kitai meseti seperau
” ngulihka hak tu.
Datuk Patinggi Abang Johari Tun Openg
Kepala Menteri
dikedeka peranak nengeri tu lalu meseti dipebasa.
Ngenang kaul bukai, Abang Johari madah program ubah ba pengawa betanam betupi deka nempa mayuh agi peluang ngagai Sarawak ngemansang produk baru sereta numbuhka makit baru.
“Peluang kitai ba pengawa betanam betupi chukup besai alai kitai meseti nguna peluang tu ngambika Sarawak ulih nyadi nengeri pengeluar pemakai ke pemadu besai.
“Buah rian, sibau enggau nenas entara sekeda produk kitai ti ulih dijual ba makit menua luar,’ku iya.
Ngenang sentang pengerami ti deka diintu ila, Abang Johari meransang semua ngagihka sekeda awak ngusung kaling bansa cina.
Pengawa nya ku iya deka nyaup ngenegap penyerakup entara kitai di Sarawak ti diwan mayuh pupu bansa.
“Awakka Sarawak seruran nyadi chunto ulih berakup dalam jalai pengarap ti bebida ke tulin di menua tu,’ku Abang Johari.