Bepuluh taun napi penusah, rayat andalka jalai tembu
Besekut nganti idar ba penyangkai ekspres nanggul semua, masau jam enggau belanja pejalai peranak menua pesisir
SIBU: Udah bepuluh taun rayat pelilih Kapit mengkang napi penanggul besekut ba Penyangkai Ekspres Kapit nganti idar diri nepan ekspres ninting maya musin kemisi tauka hari besai.
Ensana, pekara tu dibantai nengah laman rama Facebook ngayanka mensia mayuh besekut ukai semina di Kapit tang bela nyadi di Song.
Nambahka nya, kelimpah mantaika gambar, jaku ke ditulis dia madahka penanggul nya bela nuntung bala pengajar di Song ti enda ampit nepan ekspres ketegal ke enda sangkai ba Song laban udah penuh mai orang ari Kapit.
Tu ngujungka bala pengajar ari Song ti deka pulai ke menua diri balat rugi duit laban enda ulih datai ba padang bilun nitihka jam ketegal laun.
Nyebut sentang pekara tu, Presiden Sarawak Workers
“
Penanggul tu udah bepuluh taun diasaika rayat Kapit, Song enggau Belaga. Nya alai, rayat ditu udah lama ngetatka penenguk nganti penembu Jalai Sibu
”
Kapit.
Munan Laja
Presiden SWP
Party ( SWP) Munan Laja madah, taja penyuah ekspres ditambah ari Sibu-Kapit tang nya enda teputarka penanggul ke ditapi rayat dia.
“Penanggul tu udah bepuluh taun diasaika rayat Kapit, Song enggau Belaga.
“Nya alai, rayat ditu udah lama ngetatka penenguk nganti penembu Jalai Sibu-Kapit,” pia ku iya madah ngagai pengarang berita, kemari.
Iya ti mega peranak asal menua Song madah, ambika banding, projek Jalai Pan Borneo chukup pemanjai sereta disadang deka tembu dalam taun 2021.
Tang ku iya, projek Jalai Sibu-Kapit tusah bendar deka ditembuka sereta lama udah dianti rayat dia.
“Pia mega, baka jalai ari Temalat-Ngemah ti semina semilan kilometer aja bela pedis amat deka tembu.
“Tu patut diperati ngambika rayat di Kapit badu agi besekut tauka bekenaka ekspres agi,” ku iya madah baru.
Ku Munan, suah bendar bala pengari rayat madah, semina orang Sarawak aja nemu nama penanggul ke ditapi rayat Sarawak.
“Ari penerang tu kitai ulih meda pengari rayat tauka perintah endang segi peranak nenger patut nemu nama penanggu rayat.
“Ketegal nya, enda patut sida enda terundingka deka lengkas agi mutarka penanggu ke ditapi rayat pelilih Kapit tu,” pia ku iya.
Baka juluk ati ti deka bis stisyen televisyen diri empu, ku Munan, perambu nya manah dikena mantaika penanggu rayat di Kapitngambika ditemu mensia mayuh ke bukai.
“Kitai ngarap stisyen televisyen tu ila ulih ngayanka gaya penyangkai ekspres d Kapit tauka di Song ninting maya musin kemisi enggau hari besai.
“Nyangka ari tu, sida t bekaul tebuka runding enggau mata meda nama ti kebendar iya nyadi ba rayat sida,” ku iya madah baru.