Rayat nengeri tu meseti bebasaka jalai pengarap bansa bukai
Ngambika ulih nempa penyerakup enggau pengelantang pupu bansa dikena nentuka nengeri tu ulih diuan enggau likun
SRI AMAN: Rayat pupu bansa di nengeri tu dilalau ngambika sama bebasaka jalai pengarap bansa bukai dikena nempa pengelantang sereta penyerakup.
Menteri Muda Pengelantang Komuniti Sarawak Datuk Francis Harden Holis madah munyi nya lebuh ti dikerandau sepengudah ngabang Taun Baru China ngagai rumah ketuai komuniti bansa China ba sitak Kunsil Nengeri (DUN) Simanggang ditu kemari.
“Nyema komuniti kitai enda bebasaka jalai pengarap bansa bukai, bakani kitai ulih ngadaka penyerakup enggau pengelantang pengidup rayat pupu bansa di nengeri tu?
“Berindik ari nya, ulah ti ulih bebatak asur sereta bebasaka pangan diri endang diguna dalam nentuka kitai semua seruran lantang senang,” ku iya.
Iya ke mega Kaban Kunsil Nengeri (ADUN) SImanggang madah, rayat di nengeri tu endang untung laban ulih
“
Nyema komuniti kitai enda bebasaka jalai pengarap bansa bukai, bakani kitai ulih ngadaka penyerakup enggau pengelantang pengidup rayat pupu bansa
” di nengeri tu?
Datuk Francis Harden Holis
Menteri Muda Pengelantang Komuniti Sarawak
idup enggau lantang sereta ulih megai jalai pengarap nitihka penemu diri empu baka Islam, Kristian, Buddha enggau mayuh agi.
Ku iya, rayat ditu patut andal laban ulih ngintu pengerami semua hari besai baka Taun Baru CHina, Hari Gawai, Hari Raya, Deepavali, Krismas enggau myuh agi dalam pengelantang sereta penyerakup.
“Nengah pengawa ngintu semua pengerami hari besai tu ulih mandangka rayat di nengeri tu ngabang ke rumah bala bakih ti enda sama bansa enggau jalai pengarap lalu tu ngayanka komuniti kitai endang bebasaka jalai pengarap rayat pupu bansa,” ku iya nambah.Sama bisi enggau iya Pemesai Kanan Bomba II, Opis Bomba enggau Penyelamat Bagi Menua Sri Aman Jilin Itar, Sapit Chairman Opis Kaunsil Pelilih Sri Aman Kunsilor Andar Suntai sereta ke bukai.
Beserimbai enggau nya, Harden enggau raban ke bukai udah ngabang Taun Baru China ke Rumah Kapitan Tay Yao Ming enggau Penghulu Tiong Chong Onn.