Pengawa ngabang pelasar negutka kaul entara komuniti
Kelimpah ari betanyaka berita, pengawa tu mega nyadika awak dikena ngelangkar program pemansang dalam komuniti
SRI AMAN: Menteri Muda Pengelantang Komuniti Sarawak, Datuk Francis Harden Hollis agi bejalai ngabang Taun Baru China (TBC) ngagai rumah bala ketuai komuniti China di kandang menua Sri Aman pagi kemari taja udah manggai hari keempat ngintu hari besai nya.
Harden ti mega Kaban Kunsil Nengeri ( ADUN) Simanggang lebuh dirandau madahka pejalai sida sebuat siti ari pelasar ngagai iya enggau sida sebilik nanggam teguh kaul enggau bala ketuai komuniti China ba sitak DUN Simanggang.
Ku iya, hari besai baka tu nyadi siti awak pemadu beguna ngagai iya enggau sida sebilik bejalai ngabang enggau ngusung bala bakih ti ngintu pengerami nya.
“Kelimpah ari betanyaka berita seraya ngerapitka sintal kaul antara bansa ti ngintu hari besai tu, kitai mega tau
“
Kelimpah ari betanyaka berita seraya ngerapitka sintal kaul antara bansa ti ngintu hari besai tu, kitai mega tau berandau enggau bala ketuai komuniti, ngelangkar pekara ti deka dilanggur
” ungkup pemansang menua sida empu.
Datuk Francis Harden Hollis
Menteri Muda Pengelantang Komuniti Sarawak
berandau enggau bala ketuai komuniti, ngelangkar pekara ti deka dilanggur ungkup pemansang menua sida empu.
“Seraya kitai berami ngintu hari besai, kitai tau besilih penemu enggau pangan diri beratika langgur pemansang ti deka enggau udah dipejalai ba sitak tu,” ku iya.
Antara rumah bisi digusung iya baka pengerami nerima pengabang Kapitan Peter Lai ba Taman Rancangan Perumahan Rakyat (RPR) Sri Aman enggau Kapitan Wong Tiong Kee ba Jalai Foochow, Sri Aman.
Harden bela disempulang Pemesai Kanan Bomba II ba Opis Bomba enggau Penyah Penusah Bagi Menua Sri Aman, Jilin Itar, Sapit Chairman Kaunsil Pelilih Sri Aman ( MDSA), Kunsilor Andar Suntai, Kunsilor Water Killer, Kunsilor Lansing Bansi, bini iya, Datin Simba Nallang sereta bala kaban MDSA bukai.