12 iku pelatih PPKS diberi peluang ngulihka peneleba ba One Medicare

Sepenyampau 12 iku pelatih ari Palan Pemansang Pengelandik Sarawak (PPKS) udah diberi peluang ngulihka peneleba dalam bidang mekatronik nyelam dua taun ba One Medicare Sdn. Bhd. (One Medicare).

Nitih ku penerang berita kemari, One Medicare nyadi raban nyendiaka servis saup ba 23 buah sepital serata nengeri Sarawak.

Bala pelatih mega dirami ba sebengkah pengawa Nyain Sempekat Pemereti Ati (MoU) ba Indu Opis One Medicare ari Ketuai Pemesai Eksekutif One Medicare, Sazali Tuah Neli.

“Tu nyadika siti basa laban dipilih raban PPKS ngatur kerejasama lalu kitai nerima manah peluang bekunsika peneleba enggau penau ngagai bala nembiak nengah kerejasama tu.

“Tu mega nyadi pelasar ti betul ngemai kelala bemacham bidang, nyengkaim mekatronik, nentuka sepital nerima servis saup ti diguna,” ku iya.

Berebak enggau nya, Ketuai Pemesai Eksekutif Institut Lanjutan Kolej Anatarabangsa dan Teknologi Sarawak (i-CATS), Mohamad Isham Fauzi ti ngarika Direktor Eksekutif iya, Hallman Sabri bela bekunsika modul kurikulum program MEISTER Mekatronik iya nya betampung ari dua buah menua, Malaysia enggau Jerman.

Pengawa begulai kededua menua ngasuh bala pelatih teulihka pengawa puang ba Malaysia enggau mega menua luar sereta dipelanja penuh Gempung Wang Turu Pemansang Pengelandik (PTPK).

Penerang silik pasal program ti bisi disediaka PPKS tau telefon nuju lumur 082364198/362086/362129.

Tanya mega tau dibantai nengah pesan nuju WhatsApp (012-8789382) tauka email nuju info@ppks.edu. my .

Kelimpah ari nya, tau mega ngelawa website PPKS ba www.ppks.edu.my.