Tim Kuching FA napi mayuh main ba Pekit Liga M3
Tim Kuching FA deka napi mayuh main ba Pekit Liga M3 ke ditaga berengkah 16 Mac tu ila.
T u b e d u d u k a r i pemutus Liga Main Bol Malaysia (MFL) kemari ti netapka semua 14 tim ke ngambi bagi ba liga divisyen tiga nya deka besatup enggau pangan diri.
Penulung Menijar, Iswandi Ali Hassan madah, naka tu Kuching FA diperati deka napi 26 kali main lalu 13 kali bemain ba menua orang.
“Kitai meseti nitih pemutus MFL ti netapka 14 tim besaup ba Liga M3 laban deka nentuka iya nyadi pekit ke lebih kompetitif.
“Nya ngujungka bajet kitai betambah besai taun tu laban kitai deka besatup ba menua orang 13 kali.
“Tu bedau nyengkaum bemain ba pekit Piala FA enggau Liga FAM jemah,” ku Iswandi maya dirandau kemari.
Ku iya, tebal agi tim ke ngambi bagi nya datai ari Kuala Lumpur enggau Selangor nyengkaum sekeda tim ari Melaka, Terengganu, Johor enggau Kelantan.
Tim tu dikumbai Glory United FC, Protap FC, DDM FC, Kelantan United FC, ATM, Puchong Fuerza FC, SAMB FC, Ultimate FC, JBFA, BTK FC, Tun Razak FC, Penjara FC enggau Batu 2 FC.
Ungkup serak tu, main deka diatur kena Hari Enam enggau Hari Minggu.
Tim K uching taun tu lebih kering nengah saup ex-pemain Sarawak baka Joseph Kalang Tie, Hairol Mokhtar, Ramesh Lai Ban Huat, Dzulazlan Ibrahim, Mazwandi Zakeria enggau Hafis Saperi.
Tim tu deka mungka musim 2019 enggau pekit Piala FA ke ditaga berengkah 16 Februari tu.