Sarawak ngembuan mayuh adat enggau pesaka asal
Manah dikena nembiak ba palan pelajar tinggi ngaga pansik lalu nyerungkai agi sejarah ti bisi di nengeri tu
KUCHING: Sarawak ngembuan mayuh adat enggau pesaka asal ke manah dipansik raban nembiak ke belajar ba renggat pelajar tinggi.
Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah raban nembiak ba renggat pelajar tinggi endang seruran diperansang ngambi terus mansik sereta ngerembaika agi pekara sejarah ke bisi ba nengeri tu.
“Sejarah ke bisi ba muzium Sarawak endang chukup
“
Sejarah ke bisi ba muzium Sarawak endang chukup ngemegah lalu dalam mayuh-mayuh muzium, Muzium Mayau di Kuching siti ari nama ke ulih matak temuai
” datai ke Sarawak.
Datuk Abdul Karim Rahman Hamzah
Menteri Dagang Temuai, Seni, Main Asal, Nembiak enggau Lumba
ngemegah lalu dalam mayuhmayuh muzium, Muzium Mayau di Kuching siti ari nama ke ulih matak temuai datai ke Sarawak.
“Kelimpah ari muzium, penyerakup pupu bansa baka Melayu, China, Dayak enggau bukai ke meruan bebasaka pangan diri mega balat ngerinduka bala temuai.
“Aku mega siku orang ke chukup siru ke muzium lalu program bemalam ba Muzium baka tu endang nyengala mandangka penyiru kitai ngagai muzium,” ku iya seraya ngelansa sejarah ke udah ditempa Rajah Brooke di Sarawak chukup besai reti laban sida udah ngepunka pekara pelajar, mai pengarap enggau sistem merintah diri di menua tu.
Iya madah munyi nya rambau bejadika program ‘Night in Museum’ diatur Opis Muzium Sarawak begulai enggau Fakulti Jaku enggau Komunikasyen Universiti Malaysia Sarawak ( UNIMAS) di laman Muzium Seni, ditu kemari.
Nangkan nya iya madah, pemisi lebih 27 suku bansa ba Sarawak tentu mayuh adat ke bebida, daya idup ke manah dipansik sereta dipelajar raban nembiak di menua enggau ari menua luar.
“Arapka bala penyereta udah abis program anang leju datai kitu, nyangka setaun tauka dua taun ke deka datai laban udah tu pendiau muzium Sarawak deka dipeda menyana agi ari ke diatu.
Dulu ari Pemangku Direktor Muzium Sarawak Suria Bujang madah diatu Muzium Sarawak benung dikemanah lalu disadang tembu ba taun 2020 dikearap ulih matak mayuh agi temuai datai ngagai nengeri tu.
“Ungkup bala nembiak ke nyereta program Bemalam ba Muzium dikearap sida tau nusui pemanah keresa lama ke bisi dipeda ari muzium tu ngagai orang ke besemak pendiau enggau sida pengudah abis program tu.
“Pia mega, arapka raban penyereta ke bisi ngambi bagi ba program Bemalam ba Muzium tau bulih penemu ke baru nengah aktiviti ke bisi diatur,” ku iya.
Program Kem Ekspedisi entara Budaya (IIEC) 2019 dipasuk penyereta ari menua Thailand, Indonsia, Brunei, Loas, Yaman, Pakistan enggau Malaysia.
Tuju program IIEC tu dikena raban nembiak belajarka penemu main asal sereta sejarah ke bisi dikembuan sesebengkah menua kelim- pah nanggam agi pemanah kaul entara bala penyereta.
Program IIEC 2019 diatur pengelama dua malam tiga hari berengkah 8 nyentuk 11 Feb lalu diisi enggau bemacham aktiviti nyengkaum Bemalam ba Muzium, Taklimat pasal muzium di Sarawak zumba, ngiga barang pesaka enggau ke bukai.
Sama bisi datai Sapit Mandal Chanselor UNIMAS (Akademik enggau Entarabansa) Prof Dr Fasihuddin Badruddin Ahmad, Sekretari Mendam Opis Menter Dagang Temuai, Seni, Main Asal, Nembiak enggau Lumba Hii Chang Kee, piak Kaunsil Dagang Temua Sarawak enggau ke bukai.