Palan Mindah Sementara Balai MDK udah berengkah ditutup kemari
Palan Mindah Sementara Balai Opis Kaunsil Pelilih Kanowit (MDK) ti udah dibuka kena Hari Lima tu tadi (kilah ensana) udah ditutup pukul 10 pagi kemari.
Nitih ku Komiti Ngatur Penusah Ngenyit Nengeri Sarawak, semua 25 iku sida ti udah dituntung penusah ampuh bah nya ti datai ari 14 buah ruang bilik udah pulai ke rumah sida empu enggau likun.
Sida ti napi penusah nya ari Rumah Ling, Sungai Poi, sekeda genturung pendiau kediri sereta Rumah Latit.
Beserimbai enggau nya, gaya peninggi penusah ampuh bah nya makin surut lalu raban sida ti matau penusah nya deka seruran merati kandang menua ti dituntung penusah ampuh bah nya.