Sarawak enda irau dipadahka ngaga juluk ti kelalu besai: KM
Serikat penerebai tu puku ngemansangka infrastruktur, matak penatai temuai
MIRI: Perintah Nengeri Sarawak enda irau dikumbai kelalu besai juluk ngembuan serikat penerebai kediri empu.
Kepala Menteri Datuk Patinggi Abang Johari Tun Openg madah juluk nya iya nya puku diperanakka perintah nengeri ngambi meri asil ngagai rayat.
“Diatu benung dikerandau. Kitai deka bisi serikat penerebai kitai empu. Perintah nengeri patut beranakka puku ngemansangka infrastruktur nyengkaum penerebai.
“Bisi orang madahka juluk kelalu tinggi. Enda ngawa. Tinggi pen, nadai ngawa. Nadai ngasuh nangi. Kitai bisi belanja. Asal mih enda ngerugi,” ku iya nerang rambau Pengerami Makai Lemai Taun Baru China (TBC) Parti Sa’ati Rayat Sarawak (SUPP) Miri-Sibuti malam kemari.
Ku iya, Sarawak agi napi penanggul suntuk rentayan pengangkut langit ti meri pangka ngagai pengerembai industri dagang temuai.
Sarawak deka numbuhka palan dagang temuai ungkup menua luar ari pemisi mayuh agi penerebai terus nenga
“
Bisi orang madahka juluk kelalu tinggi. Enda ngawa. Tinggi pen, nadai ngawa. Nadai ngasuh nangi. Kitai bisi belanja. Asal
” mih enda ngerugi.
Datuk Patinggi Abang Johari Tun Openg Kepala Menteri Sarawak
serikat penerebai kediri.
Ba Miri, antara pengulih besai iya nya main golf 36 lubang ti ulih matak penatai bala temuai ari Korea sereta pematak rampa menua asal Taman Negara Niah enggau Taman Negara Mulu.
“Dagang temuai, penanggul iya nya penerebai. Infrastruktur udah bisi, pematak udah bisi, patut mutarka penanggul jalai nengah langit, lalu tu patut diputar.
“Beri aku awak laban aku mesti ngatur randau. Aku bisi chara tang aku enda ulih madah ngagai kita malam tu (kemari). Aku bisi chara, kita semina besampi, nyaup aku ngemujurka pekara tu,” ku iya nerang.
Ngelansa pasal GPS, ku Abang Jo, parti ngembuan polisi ekonomi ti nyata dikena meransang ekonomi Sarawak nyapai status nengeri maju datai ba taun 2030.
Ngaul gempung PBB, SUPP, PDP enggau PRS, GPS ulih bediri ngatika diri ngemansangka nengeri tu ari pemisi sukung rayat ti majak tuai runding enggau pintar.
“Sarawak diempu rayat Sarawak, kitai nampung pengawa diri, anang semina nemu ngemata aja, mata pedis mih. Diatu kitai patut bisi pelin ungkup kitai nyingkang ke mua.
“Kitai bisi penyerakup. Bisi penau. Kitai nguji ngemansangka ekosistem ngambika rayat ngena penau ngemansangka rayat,” ku iya.
Sama datai Datin Patinggi Datuk Juma’ani Tuanku Bu- jang, Sapit Kepala Menteri Datuk Amar Douglas Uggah Embas, Menteri Kaunsil Kandang Menua enggau Pengawa Berumah ti mega Presiden SUPP Datuk Dr Sim Hui Kian, Menteri Muda Dagang Temuai, Seni enggau Main Asal ti mega Chairman Komiti Liason SUPP MiriSibuti Datuk Lee Kim Shin enggau ADUN Piasau ti nyadi chairman pengatur, Datuk Sebastian Ting.