Penyerakup rayat nyungkak pemansang menua: Harden
Semua rayat pupu bansa patut nentuka pekara tu seruran dikemeran ngambika langkar pemansang ulih dipejalai enggau mujur
SRI AMAN: Penyerakup enggau pengelantang rayat patut terus dikemeran dikena neruska langkar pemansang dikena nyadika menua tu mansang datai ba taun 2020, pia ku jaku Menteri Muda Pengelantang Komuniti Sarawak Datuk Francis Harden Hollis.
“Nyema rayat terus ngetanka penyerakup, pengelantang sereta ulih bebatak asur enggau pangan diri, udah tentu semua pemansang ti deka dikemansang ba selampur nengeri tu ulih dipejalai,” ku iya.
Iya ke mega Kaban Kunsil Nengeri ( ADUN) SImanggang madah munyi nya lebuh ti bejaku ba Pengerami Nerima Pengabang Taun Baru China ba rumah siku ari ketuai komuniti ba DUN
“
Nyema rayat terus ngetanka penyerakup, pengelantang sereta ulih bebatak asur enggau pangan diri, udah tentu semua pemansang ti deka dikemansang ba selampur nengeri tu ulih
” dipejalai,” ku iya.
Datuk Francis Harden Hollis
Menteri Muda Pengelantang Komuniti Sarawak
Simanggang Kapitan Kiew SI Ted ba Taman Pasir Panas, Sri Aman ditu pagi kemari.
Ku iya, rayat di nengeri tu patut temegah ati laban penyerakup udah lama bisi lalu seruran dikemeran.
Kelimpah ari nya, Francis mega nangkan rayat ngambika terus bekerejasama enggau raban perintah dalam neruska mayuh projek pemansang.
“Kerejasama entara kededua raban tu endang berat. Kebuah pia, nyema rayat meri kerejasama ti penuh ngagai perintah, berindik ari nya, semua pemansang ti deka dipejalai di kandang menua nya ulih dikemansang enggau mujur.
“Nyema rayat enda ngaga kejerasama ti teguh enggau perintah tang enda nyukung semua polisi pemansang reti nya rayat udah ngenggaika pemansang ti siberi perintah,” ku iya nerang.
Sama bisi enggau Harden iya nya Penghuku Abdul Samad Abdul Rahim sereta ketua komuniti ke bukai.