Langkau Belun apin ditemu, SAR mengkang dipejalai

Operasyen ngiga enggau nyelamat (SAR) diatu benung chakah dipejalai kandang ngelingi Rumah Buda Meriok Nanga Engkelili, Sri Aman.

Nitih ku Opis Pengerara Api enggau Penyah Penusah Sarawak (Bomba), operasyen nguga Langkau Belun, 85 taun, ti dipelaba tesat dalam kampung pengudah enda tepulaika diri ke rumah kenyau ari 9 Februari tu tadi.

Apai tuai tu nitih ku siku ari anak iya udah bejalai mindah ari rumah sida urung pukul 11 pagi kena 9 Februari enggau nadai ninggalka pesan kini penunga enggau tuju pejalai iya.

Irauka pengelikun iya, ripot polis udah digaga ba hari ke sama urung pukul 8.42 malam. Opis Bomba Sri Aman mega dipadahka kes nya lalu ngatur operasyen SAR kemari.

Naka pukul 8.20 pagi kemari, operasyen SAR agi dipejalai.