Abang Johari enggau bini udah ngabang TBC ke rumah kaban politik di Miri
Beserimbai enggau pengerami Taun Baru China ba hari ti keempat, Kepala Menteri Datuk Patinggi Abang Johari Tun Abang Haji Openg udah ngabang ngagai sekeda rumah bala bakih politik dikena ngerapitka kaul.
Berengkah ari pukul 9.30 pagi, Abang Johari ti disempulang bini iya Datin Patinggi Datuk Juma’ani Tuanku Bu- jang udah ngabang ke rumah Menteri Muda Dagang Temuai, Seni enggau Main Asal Datuk Lee Kim Shin ba jalai Woodhouse, ditu.
Penatai iya udah disambut enggau richah ari sida Lee sebilik sereta temuai diebasa kce bukai enggau ‘tarian singa’ enggau ‘Three Prince’.
Sepengudah nya, iya mega enda ngelengkaka awak datai ke rumah siku orang dagang Tan Sri Ling Chong Ho ba Jalai Luak Bay di Tanjong Lobang lalu ditangkan ke rumah Tan Sri Datuk Amar Yaw Teck Seng di Marina Lagoon, Jalai Bandaraya Miri.
Abang Johari udah dipebasa melah kek Taun Baru China sereta ngetuaika ‘Yee Sang’.
Sama bisi datai enggau pengawa ngabang nya Sapit Kepala menteri Datuk Amar Doughlas Uggah, Menteri Kaunsil Kandang Menua enggau Pengawa Berumah Datuk Dr Sim Kui hian, Menteri Muda Dagang Temuai, Seni, Main Asal Datuk Lee Kim Shin, Menteri Muda Opis Kepala Menteri ( Undangundang, Kaul Nengeri enggau Perintah Besai sereta Matau Projek) Syarifh Hasidah Sayeed Aman Ghazali, Menter Muda Orang Indu, Ruang Bilik enggau Pemansang Anak Mit Rosey Yunus Menteri Muda Kaunsil Kandang Menua Datu Dr Penguang Manggil, Kaban Kunsi Nengeri ( ADUN) Lambir Ripin Lamat, ADUN Telang Usan Dennis Ngau, ADUN Mulu Dato’ Gerawat Gala sereta temuai dipebasa ke bukai.