Larry deka nguluka raban ari menua tu ngabas peranak Malaysia ti ditan ba jil Kemboja

Kaban Parlimen Julau Larry Sng enggau bala ruang bilik sereta pengarang berita deka ngabas peranak Malaysia ti ditan ba jil di Kemboja pagila.

Iya nengah sebengkah penerang berita kemari madahka Opis Duta Malaysia di Kemboja udah mujur ngatur raban sida ke deka ngabas ngagai Jil Banteay Meanchey ngambika meda kediri empu gaya nya din.

“Aku baru aja dipadahka ke alai AirAsia mega sama nyereta Pengawa Nyelamat Sereta Mai Pulai Rayat Malaysia di Kemboja nengah chara melanja ungkus mai pulai semua sida ke ditan din lalu dibai pulai kitu,” ku iya.

Atur mai pulai benung diperunding ngambika ulih mai semua sida pulai ke menua kitu enggau selamat.

“Aku berasai temegah amat ati laban mayuh orang datai nyuaka bantu enda ngira usul bansa, ajalai pengarap tauka kuing politik,” ku iya seraya pechayaka perintah ulih mutarka kes tu,” ku iya.

Kena Hari Empat nyin t adi, Larry ngarika ruang bilik ti ditan kelebih agi 44 iku ari Sarawak mantaika kes nya ngagai media d Kuching.

Sida ngarapka raban nya t dingumbai diri ditipu ngambika gawa sereta dibayar gaj besai, ulih mulaika ngaga ruang bilik sida ditu.

Kemari, hari yang ke-62 ngagai 47 iku peranak Malaysia ditan ba jil menua nya.