CEIO deka ditumbuh kena ngangkatka integriti
Ditumbuh ba semua opis menteri, opis perintah nengeri nyengkaum opis ke bisi kaul enggau perintah nengeri
KUCHING: Unit Integriti ti betuaika pemesai integriti ke ditukukuka (CEIO) deka ditumbuh ba semua opis menteri enggau opis perintah nengeri nyengkaum opis ke bisi kaul enggau perintah nengeri.
Kepala Menteri, Datuk Patinggi Abang Johari Tun Openg madahka Sarawak nengeri keterubah ngambil inisiatif tu ke nyadi komitmen dikena ngangkatka integriti ba raban pengereja pengawa perintah.
Ke tuju nya, Kus CEIO dilancharka kemari dikena ngelatih 40 iku pengereja pengawa perintah nengeri nyengkaum ari opis bekaul perintah nengeri ngambika diengkah ba tetiap unit nya ila.
Ukai nya aja, berengkah ari kemari mega siku pemesai Opis Nagang Makai Suap Malaysia (SPRM) deka diengkah ba Unit Integriti enggau Ombudsman Nengeri ngambika mantu ngemeranka integriti, ngangkatka akauntabiliti, lurus enggau nusun pengawa sereta bejalaika pengawa nyengkaum ba opis bekaul perintah nengeri.
“Aku mega nyemetak madah ngambika semua ejensi perintah nengeri ngelala risiko makai
“
Aku mega nyemetak madah ngambika semua ejensi perintah nengeri ngelala risiko makai suap sereta nyendiaka pelin ngatur ulah
” makai suap nya.
Datuk Patinggi Abang Johari Tun Openg
Kepala Menteri
suap sereta nyendiaka pelin ngatur ulah makai suap nya.
“Dikena ngangkatka tikas integriti ti lalu munaska makai suap, aku deka ke raban sukung bela diberi perati nengah chara nyendiaka kus ti engkeman ungkup sida,” ku iya.
Iya bejaku munyi nya ba pesan iya maya ‘Majlis Amanat Perdana Integriti ( MAPI) 2019’ ti diatur ba Palan Konvensyen Penview (PCC) Demak ditu kemari ke diatur Unit Integriti enggau Ombudsman Nengeri nengah kerejasama SPRM.
Sama bisi ngulu pengerami nya, Sapit Kepala Menteri Tan Sri James Masing enggau Datuk Amar Awang Tengah Ali Hasan, Menteri Integriti enggau Ombudsman, Datuk Talib Zulpilip sereta Ketuai Komisioner SPRM, Datuk Seri Mohd Shukri Abdull.
Dulu ari nya dalam pesan iya, Abang Johari ngaku endang mar deka munaska magang ulah makai suap enggau salah nguna kuasa nya.
Tang ku iya, iya deka nentuka perintah nengeri ngengkahka integriti anti makai suap nyafi pekara ti dikemerat ba atur kereja ninting taun.
“Kenyau ari taun 2017, perintah udah bebendar bejalaika pengawa negapka integriti.
“Perintah udah numbuhka Unit Integriti enggau Ombudsman Nengeri ngambika ngiri, nerenak pemaik dalam pengidup sereta meransang semua rayat ngemeanka integriti dalam pengidup besesehari,” ku iya.
Kelimpah mendingka pesan ari Kepala Menteri, pesereta ti ngulu pengerami nya mega bela mendingka tiga licha bekaul integriti ti dikenataika pengelicha ti ditukuka.
Entara nya, Presiden Yayasan Anti Makai Suap Malaysia, Dato Sri Zakaria Jaf- far, Presiden Transparency International Malaysia, Dato Sri Akhbar Satar enggau licha ari Ketuai Komisioner SPRM empu.
Abang Johari mega bisi nyuaka perais ngagai pemenang pekit ngarang esei integrit sekula sekondari enggau institusyen pelajar tinggi ungkup kategori Jaku Melayu enggau Jaku Inggeri sereta pekit video pandak integriti.