Peranak Malaysia ti ditan ba jil di Kemboja diintu manah: Larry
Sida disediaka pemakai,dijaga manah taja pan sekeda bisi raing kulit
SIEM REAP, Cambodia: Kaban Parlimen Julau Larry Sng kemari madahka semua 47 iku peranak Malaysia ti ditanka ba jil di Provinsi Banteay Meanchey, Pasar PoiPet, Kemboja diatu diintu manah.
Lebuh ke diinterbiu pengudah ngabas jil nya, iya madahka ketuai jil meli pemakai ngena duit iya empu ke peranak Malaysia ti ditan dia.
“Sida (peranak Malaysia ke ditan) disediaka pemakai lalu ketuai ba jil nya ngena duit iya empu meli pekai ke peranak Malaysia ti ditan dia.
“Pengelantang pendiau sida diintu manah. Sida dijaga manah taja pan sekeda bisi raing kulit. Kelimpah ari nya, semua sida ngarapka diri ulih pulai ke Malaysia enggau naka penyampat,” ku iya.
Iya nguluka raban ari ruang bilik nyengkaum pengarang berita ngabas 47 iku peranak Malaysia ke ditan din ketegal bisi kaul enggau pengawa judi ‘online’.
Sng meri jamin ke alai perintah Malaysia nguji enggau naka ulih ngelepaska 47 iku peranak Malaysia nya.
Iya mega bisi madah ngagai 47 iku nya ke alai tebal agi apai indai sida irauka gaya sida
“
Pengelantang pendiau sida diintu manah. Sida dijaga manah taja pan sekeda bisi raing kulit. Kelimpah ari nya, semua sida ngarapka diri ulih pulai ke Malaysia
” enggau naka penyampat.
Larry Sng
Kaban Parlimen Julau
dalam jil lalu keran deka nemu silik pasal pekara nya.
Ku Larry, iya deka madah nggai apai indai tauka kaban sida ti ditan gaya dalam jil nya enti iya udah mulaika diri ke Malaysia pagila.
“Udah tu aku deka mulaika diri ke Malaysia pagila. Aku deka ngatur awak betemu Sapit Menteri Besai (Datuk Seri Dr Wan Azizah Wan Ismail) enggau sekeda aari ruang bilik sida tu ngambi berandauka pekara ti patut digaga nengah chara dipliomatik.
“Aku deka seruran berandau enggau Wisma Putra (Opis Menteri Luar) berati pekara ke patut digaga sida,” ku kaban Parti Keadilan Rakyat (PKR) nya.
Sng mega ngarap sereta besampika semua 47 iku peranak Malaysia nya ulih dilepaska jampat.
“Taja pia nyema isu tu ag panjai nyadi, aku pechaya bis sekali agi nemuai kin,” ku iya.