Utusan Borneo (Sarawak)

Sebuah Palan Latih Atlit Elit Sarawak deka ditumbuhka di Kuching

-

Sebuah Palan Latih Atlit Elit Sarawak deka ditumbuhka di Kuching nengah Program Unit Pemansang Orang Nyelai Pendiau (OKU) 2019-2020.

Menteri Pengintu Pengelanta­ng Pendiau, Komuniti, Indu, Ruang Bilik enggau Pemansang Anak Mit (KKWKK) Datuk Seri Fatimah Abdullah madah penumbuh palan tu nyadi penyikap timpuh panjai ungkup atlit elit Sarawak ke dikeandal bulih midul emas ba Lumba Para Sukma Johor 2020 sereta ulih ngarika Malaysia.

“Ungkup program keterubah tu semina 20 atlit elit dipilih. Sida dipilih bepelasark­a merit lalu deka disediaka elawin enggau palan endur diau sekumbang timpuh belatih.

“Sida mega deka dilatih empat iku jurulatih profesiona­l lalu ungkup atlit ke ari luar Kuching sida deka dipinta datai ke Kuching,” ku iya.

Teks jaku Fatimah dibacha Menteri Muda Pengelanta­ng Pendiau Datuk Francis Hard- en Holis maya ngelanchar­ka Program Rekreasyen enggau Lumba OKU 2019-2020 ke diatur ba sebuah hotel ditu, kemari.

Ungkup program tu mega, iya madah MSN Malaysia deka mantu mayar jurulatih tetap enggau sementara ke udah dipadu rasmi ngelatih bala atlit ba Kuching.

Nerang silik pasal program tu, Fatimah madah Unit Pemansang OKU dalam Opis Menteri KKWKK ngambi inisiatif ngenegapka penau raban OKU nengah aktiviti rekreasyen enggau lumba.

“Nyadi program tu deka dikemujur nengah program ‘roadshow’ enggau TID (Talent Indentific­ation) ba semua bagi menua di Sarawak ungkup taun 2019 enggau 2020. Tu dikena ngiga atlit ari orang ti OKU.

“Ba taun 2017, urung 700 iku OKU diuji ba 12 bagi menua di Sarawak nengah raban NGO enggau aktiviti lumba. Urung 100 iku ari sida tu mujur dipilih ngarika Zon Lumba diri ba Lumba Sarawak (SUKSAR) 2017.

“Ari penyampau nya, 15 OKU mujur dipilih nyadi atlit SUKMA Sarawak 2018. Sekeda ari sida tu mujur bulih midu taja keterubah iya ngambi bag ba renggat nasional.

Berebak enggau nya, Fatimah madah perintah deka numbuhka Palan Latih Pelapis ba semua bagi menua d Sarawak.

“Urung 12 palan latih (sit ba genap bagi menua) deka ditumbuh ba Sarawak dikena ngemujurka aktiviti rekreasyen enggau lumba ungkup atlit OKU. Palan tu deka dipilih maya roadshow enggau TID

“Dua iku pengereja pengawa deka ngemujurka aktivit ba palan latih pelapis tu,” ku iya.

Sama bisi datai pengar Direktor Opis Nembiak enggau Lumba Sarawak (JBS) Mohd Mazlan Haji Anis Sekretari Mendam KKWKK Dr Saadiah Abdul Samat Pemesai Pengatur Pengawa KKWKK (Unit Pemansang OKU) Mathew Chin enggau ke bukai.

 ??  ?? TERUS MUJUR : Harden (tengah) begambar kenang enggau bala pemesai sereta atlit OKU pengudah pengawa ngelanchar­ka Program Rekreasyen enggau Lumba OKU 2019-2020 ke diatur ba sebuah hotel ditu, kemari.
TERUS MUJUR : Harden (tengah) begambar kenang enggau bala pemesai sereta atlit OKU pengudah pengawa ngelanchar­ka Program Rekreasyen enggau Lumba OKU 2019-2020 ke diatur ba sebuah hotel ditu, kemari.

Newspapers in Malay

Newspapers from Malaysia