Utusan Borneo (Sarawak)

Pengerami hari besai patut diintu ba semua renggat

-

Pengerami nyambut Taun Baru CHina (TBC) ukai semina diintu ba renggat genturung pendiau, pelilih tauka nengeri tang mega bela diintu di renggat sekula.

Chairman Administra­syen Sekula Sekondari ( SMK) Tung Hua, Dato Temenggung Vincent Lau madahka nya dikena nerenakka pelajar bekaul main asal ungkup tetiap bansa.

Ku iya, pengawa ngatur nya mai batang tuju mantaika pekara bekaul pengawa main asal, sejarah, pangku pengawa enggau signifikan ngintu pengerami nya dalam konteks main asal, penyerakup sereta mega pemansang komuniti China di nengeri tu.

“Anak-anak biak kelebih agi raban nembiak tauka sida ti belajar di sekula patut nemu enggau ngasai bakani proses pengerami nya diintu.

“Tu nyengkaum ngasai kediri empu empas nya ngagai sida dalam konteks nerenakka runding ti talukka menuya,” ku iya.

Iya madah munyi nya lebuh ti bejaku ba Pengerami Ngintu Taun Baru China ti diatur SMK Tung hua ditu, kemari.

Ku iya, penyerakup entara raban bansa endang berat lalu nyadi tanggungpe­ngawa institusye­n sekula dikena ngiri runding nya dalam nembiak sekula kenyau ari tumu agi.

Ku iya, batang tuju ti endang dikemerat iya nya ngerapit enggau ngenegapka kaul dalam bala disekula enggau raban nembiak.

“Kaul rat enggau rami nya endang beguna dikena ngangkatka kualiti servis ungkup sesebuah komuniti. Kaul rat ti nyadi nya deka ngemeranka runding sereta ulih ti ulih beserakup dikena ngemansang­ka sekeda organisasy­en ti nyulut,” ku iya.

Newspapers in Malay

Newspapers from Malaysia