SWP ngansak perintah Sarawak ngidupka baru ATC di Kapit

PartiPekerejaSarawak ( SWP) ngansak perintah nengeri Sarawak ngambi ngidupka baru Palan Latih Betenam Betupi (ATC) di bagi menua Kapit. Presiden SWP Munan Laja madahka palan latih nya baka ti enda dikena agi sepengudah palan nya di Seputai ti udah ditutup taun nyin tadi.

Ku iya, dikena belajarka pengawa betanam betupi baru enggau moden, peranak Kapit begunaka instityusyen baka ATC ke ulih endur raban nembiak di bagi menua nya ulih belajar sereta ngerembaika penemu sida ba sektor nya.

“Bagi menua Kapit bisi sekeda produk betanam betupi ti endang suah did- inga baka Dabai, isau, Rian enggau ikan Empurau ti ulih dilaku enggau dikerembai ba bagi menua nya empu.

“Bisi mega rian ti endang manah di Sungai Sut, kapt ke udah direjister ba Opis Betanam Betupi dikumbai D171,” ku iya.

Ku iya, SWP meransang peranak Kapit nyerungkai produk betanam betupi kelebih agi betanam enggau chara bekebun dikena ngangkatka tikas pengidup sereta ngubah ekonomi peranak di kandang menua pesisir.

“Berindik ari nya, nengah pemisi ATC endang diguna dikena meransang industri betenam betupi enggau pemun-agro di bagi menua nya,” ku iya nambah.