Sarawak rugi taja pan kaya enggau pengeraja asal
Taja pia Fatimah muji Perintah Sarawak ti madahka pemansang ekonomi bekaul enggau strategi, singkang berani
KUCHING: Taja pan nyadi nengeri ke lantang ti kaya enggau pengeraja asal baka ngemansutka minyak enggau gis, Sarawak ke bendar iya nadai bulih sebarang penguntung ari nya.
“Taja kaya enggau pengeraja asal baka ngemansutka minyak enggau gis, pengawa bekunsika pengelantang ti nguntungka nengeri pengeluar nya minimum,” ku Penganalisis Ekonomi Profesor Madya Dr Fatimah Kari ari Universiti Malaya (UM).
Iya madah munyi nya lebuh dipinta ngenang pasal Pemansut Kasar Dalam Nengeri (KDNK) ngemansutka minyak enggau gis di Sarawak tang meri pengaya ngagai Putrajaya.
Fatimah muji singkang berani ke diambi Perintah Sarawak sereta nyemetak madahka pemansang ekonomi nya bekaul enggau strategi sereta singkang berani.
“Perintah Sarawak udah mantaika laluh bajet 2019 iya nya urung RM9.07 bil- ion lalu nya singkang ke manah. Pengawa mantaika chukai nyual ngagai produk O&G, mineral dipelaba ngemansutka RM4.4 bilion ti nyadi singkang ekonomi ke manah,” puji iya.
“Ke bendar nengeri Sarawak ulih ngelala chukai tauka penatai pemisi baru ti mandangka pragmatisme ketegal perambu kitai,” ku iya.
Ke bendar mega, trend global enggau ke tebal agi ba menua Scandinavian, chukai ngagai pengeraja asal ukai pekara ke baru lalu nya mandangka ‘rega’ ke dikemisi sesebuah menua, ku iya nyemetak.
Pakar ekonomi kanan nya mega meri jaku tangkan ke alai Sarawak anang enda ngaga langkar strategi ti enda kelalu bepanggai ba minyak enggau gis.
“Uji perati, sejarah menua baka Korea Selatan enggau Jepun, menua ti nadai pengeraja asal,” ku iya.
Iya mega ngelalau ke alai
“
Taja kaya enggau pengeraja asal baka ngemansutka minyak enggau gis, pengawa bekunsika pengelantang ti nguntungka nengeri pengeluar nya
” minimum.
Profesor Madya Dr Fatimah Kari
Penganalisis Ekonomi Universiti Malaya
pengawa bebagika pengaya ti nadai pengelurus nya udah meri empas ngagai pemansang menua pesisir, Sarawak enda tau enda nempa model pemansang baru kelebih agi dikena ngemansangka menua pesisir sereta fokus ngagai bidang pelajar, jala, bekal ai enggau elekterik perengkaguna.
“Udah datai ba maya iya Sarawak ngiru model pemansang bepelasarka utai ti diguna ngemansangka pengereja pengawa lalu ba awak ke sama mega bepelasarka dagang enggau pemer- anak puku.
“Sarawak tama ngagai makit global meseti terus dikemansangka terus sekalika ari sukut fizikal enggau chara runding ke pintar,” ku iya.
Sarawak ku iya, meseti maju nyingkang nuju sektor kilang ke bepelasarka tambah rega pengelandik ti bepuguka pemandai.
“Anang sesekali bepanggai ba sektor ti ngaji pengereja pengawa ke murah, laban tu model lama ti nadai mai penguntung,” ku iya.
Pemutus Pengawa Bepilih Besai Ke- 14 ( 2018) udah ngujungka Sarawak lenyau awak berundingka baru sereta nusun baru strategi nitihka chara diri.
“Tu ukai utai ke baru, tang patut dibali nyadi amat nengah tusun pengawa ke manah enggau penyanggup politik,” ku iya.
Iya mega madahka Sarawak meseti ngemendarka pe- mansang menua pesisir nyadi pemun pemansang baru serantau ti beratka teknologi, pengereja pengawa, nempa pengawa puang sereta bekunsika pengaya.
“Ya, nya ulih dikereja. Semua nya ukai semina mimpi laban rayat Sarawak ti nentuka nasit nengeri tu,” ku iya.
Ku iya baru, Federalism meri fokus sereta ungkup ‘bias’ ke Sabah enggau Sarawak.
“Balat mar ketegal kungkung politik Perintah Besai baka ti dipandang dalam kes bisi nengeri pemadu seranta/ nengeri bepenatai pemisi mit, kurang maju baka Kelantan, Sabah enggau Sarawak,” ku iya.
Iya madahka tebal agi orang ke pintar pandai berandauka ulih besiping federalisme ti ngujungka pemansang enda sebaka.
“Dalam konteks kaul perintah besai - nengeri, nengeri ti kurang dikeibuh baka Sabah, Sarawak enggau Ke- lantan ke kurang maju ar pusat - Selangor enggau Wilayah Persekutuan Kuala Lumpur,” ku iya.
Ku Dr Fatimah, kerjasama pintar entara opis perintah enggau peribit meset ditempa lalu meri fokus muka peluang kereja ngagai rayat Sarawak.
“Gaji enggau penatai pemis meseti ditiki setipak enggau produktiviti sereta pemansang KDNK,” ku iya.
Dr Fatimah ngelalau perintah nengeri ngambika enda nandu pengilap kelebih ag dalam bidang beranakka duit rayat sereta menyati, kelebih agi nyendiaka kandang pemansang baru/perengkaguna (bekal air) baka ke nyadi d Tanjung Manis.
“Nyema empas federalisme nya majak enda manah sereta nadai penyemaka, tusun pengawa, pengawa nyaga enggau ngemata beranakka puku ba duit rayat majak lemi, nya deka ngemesaika seraka entara rantau enggau rayat,” ku iya.