TYT udah meri basa kepenudi ngagai niang Dato Andrew kemari
Tuai Megai Menua ( TYT) Tun Pehin Sri Abdul Taib Mahmud datai meri basa kepenudi ngagai niang Ex- Sapit Chairman Opis Kaunsil Sibu ( SMC) Dato Andrew Wong Kee Yew ba Nirvana Memorial Park, Jalai Sibu- Bintulu, lemai kemari.
Penatai iya maya tu disempulang bini iya Toh Puan Datuk Patinggi Ragad Kurdi Taib.
Menteri Muda Pemansang Orang Dagang, Mit enggau Jelan Pemesai Datuk Mohd Naroden Majais sereta Residen Sibu Charles Siaw.
Kelimpah ngenataika basa kepenudi, Taib maya tu ngena awak nya berandau enggau apai enggau indai niang iya nya Menteri Wang II Dato Sri Wong Soon Koh enggau Datin Sri Pauline Leong Poh Lin. Pengawa kepenudi nyengai niang diatur pagi pagila ( sehari tu) berengkah pukul 7.30 pagi.