Teladan ulah niang Dato Andrew ti ransing, deka ngubah Sibu moden agi
Raban nembiak di nengeri tu patut nyadika iya chunto ti bebendar dekaka pemansang dunya moden
SIBU: Niang ex-sapit Chairman Opis Kaunsil Sibu (SMC) Dato Andrew Wong Kee Yew patut nyadika chunto ngagai raban nembiak nengeri tu.
Kepala Menteri Datuk Patinggi Abang Johari Tun Openg madah, niang siku nembiak ti ngembuan pemeras ba ati deka ngubah mengeri Sibu.
“Aku nemu niang nembiak ke regas, bisi visi sereta bebendar deka mai ubah ngagai rayat lebih agi di Sibu moden agi.
“Ba aku niang ngembuan pelin ngemansang mengeri Sibu ti ukai semina nyadi juluk ati aja tang dipenyadi ke iya,” pia ku iya maya berandau enggau pengarang berita, kemari
Dulu agi ari nya iya enggau Datin Patinggi Datuk Jumaani Tuanku Bujang meri basa kepenudi ngagai niang ba Nirvana Memorial Park, Jalai Sibu-Bintulu ditu.
Abang Johari mega madahka niang orang ti besemak enggau rayat pungka hari kepenudi niang dikena iya begulai enggau peranak rumah panjai.
“Ari tu kitai nemu baka ni
“
Aku nemu niang nembiak ke regas, bisi visi sereta bebendar deka mai ubah ngagai rayat lebih agi di Sibu
” moden agi.
Datuk Patinggi Abang Johari Tun Openg
Kepala Menteri
ulah iya taja pan maya nya agi dalam kandang Taun Baru China.
“Niang orang ngemaruhka diri, lempung tulang nulung rayat...tu tau ditunda raban nembiak kebukai,” ku iya madah baru.
Iya mega madah, maya ke agi nyadi ex-sapit chairman SMC suba, niang dipeda mayuh penemu dikena ngemansangka mengeri Sibu.
Tu ku iya, nyengkaum nyungkakka mengeri Sibu seririh enggau gelar pintu penama nengeri tu.
Kelimpah ari nya, Abang Johari bela muji pengerans- ing niang nyungkakka pekara pelajar ti tau dipeda alai niang siku ari orang numbuhka Kolej Laila Taib enggau University College of Technology Sarawak (UCTS).
“Kitai mega nemu niang orang ti chakah ngerembaika penemu ngelaban penyakit riman ba nengeri tu,” pia ku iya.
Sama enggau iya meri basa maya tu iya nya Sapit Kepala Menteri Datuk Amar Awang Tengah Ali Hasan, Menteri Dagang Temuai, Seni, Main Asal, Nembiak Lumba enggau Main, Datuk Abdul Karim Rahman Hamzah enggau Menteri Perintah Menua eng- gau Pengawa Berumah Datuk Dr Sim Kui Hian.
Kelimpah ari nya Menteri Pelajar enggau Pemansik Sains Dr Annuar Rapaee, Menteri Muda Perengka Pengangkut Datuk Dr Jerip Susil enggau Chairman SMC Datuk Tiong Thai King bela meri basa kepenudi.