KGBS ngarapka M10MP diterima enggau ati tebuka
Program deka dipejalaika ba semua sekula primari, sekondari di serata menua nengah chara berenggat
KUCHING: Semua raban sekula kelebih agi pengajar patut sedia ngemujurka ‘Modul 10 Minit Perhimpunan’ (M10MP) ti deka dipejalaika di semua sekula primari enggau sekondari di serata menus nengah chara berenggat.
Presiden Gempung Gerempung Pengajar Bumiputera Sarawak (KGBS) Ahmad Malie madah, nya ke pemaik semua ngambika ulih nyapai juluk manah baka ke udah dirintai Opis Menteri Pelajar Malaysia (KPM) dalam program.
“Nyema program nya mujur dipejalaika , KGBS pechaya landskap gempuru ninting minggu sekula deka nyadi richah agi lalu deka meransang program ti bepelsarka ngaul bala nembiak.
“Beratika tuju enggau asil program nya ke manah amat, KGBS ngarapka raban sekula ulih nerima program nya enggau ati ke tebuka,” ku iya m adah ngagai Utusan Borneo ditu, kemari.
Kena Hari Dua tu tadi, Bernama bisi mantai ke alai pengawa begempuru ninting minggu chara konvensional di sekula deka diangkatka nengah chara fokus ngagai budaya kreatif, inovatif enggau dinamik ba raban nembiak.
Menteri Pelajar, Dr Maszlee Malik madahka gempuruc sekula jeman baru patut ditegap ngambika setipak enggau pemansang ke diatu.
Berebak enggau nya ku Maszlee, Modul 10 Minit Perhimpunan (M10MP) ti dikemansangka Institut Pematih Pengajar (IPG) Kampus Ilmu Khas kenyau ari Januari 2017 deka dipejalaika di semua sekula primari enggau sekondari di serata menua nengah chara berenggat.
Ku Ahmad, berebak enggau nya KGBS nyukung penuh M10MP ti deka dipejalaika enggau juluk dikena meransang pemansang nembiak ari sukut bemacham pengelandik baka runding ti kreatif, inovasyen, KBAT, kolabratif enggau pekara bekaul nerenak pemaik dunya ba bala nembiak.
“
Nyema program nya mujur dipejalaika, KGBS pechaya landskap gempuru ninting minggu sekula deka nyadi richah agi lalu deka meransang program ti bepelsarka ngaul
” bala nembiak.
Ahmad Malie Presiden
Gempung Gerempung Pengajar Bumiputera Sarawak (KGBS)
KGBS ku iya, ngarapka juluk ti ditengkebang Menteri nya nyadi nyata sereta dipejalaika semua ketuai baka prinsipal, kepala pengajar enggau raban sekula engagu manah.
“Nya alai KGBS pechaya amat ke pengulih tetiap iku raban sekula nentuka program nya ulih di pejalaika enggau manah agi sereta meri empas ke besai ba bala nembiak.
“Beratika tuju enggau asil program nya manah amat, KGBS ngarapka raban sekula ulih nerima program enggau ati tebuka,” ku Ahmad.